Reykjanesbraut (41) Krýsuvíkurvegur - Hvassahraun, MÁU - hönnun
Vegagerðin, óskar eftir tilboði í mat á umhverfisáhrifum, for- og verkhönnun fyrir breikkun Reykjanesbrautar (41), frá núverandi mislægum gatnamótum við Krýsuvíkurveg að enda fjögurra akreina brautar vestan Straumsvíkur í Hvassahrauni. Á vegkaflanum skal breikka núverandi Reykjanesbraut til suðurs, hanna ein mislæg gatnamót, ein undirgöng fyrir gangandi og hjólandi umferð, vegtengingu að Straumi og vegtengingu að skolpdælustöð austan Straumsvíkur. Lengd vegkafla Reykjanesbrautar er um 5,6 km.
Val bjóðanda fer fram á grundvelli hæfismats og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfi bjóðanda og verðtilboð.
Verkinu skal lokið 1. febrúar 2022.
Útboðsgögn eru aðgengileg og afhent í rafræna útboðskerfinu TendSign frá og með 25. júní 2020 og skal tilboðum skilað rafrænt í því útboðskerfi fyrir kl. 14:00 miðvikudaginn 22. júlí 2020.
Ekki verður haldnir sérstakir opnunarfundir en eftir lok tilboðsfrests verður bjóðendum tilkynnt um nöfn bjóðenda í útboðinu. 11. ágúst 2020 verður bjóðendum tilkynnt stigagjöf í hæfnisvali og verðtilboð hæfra bjóðenda.
Leiðbeiningar fyrir útboðsvefinn TendSign.
Útboðið er auglýst á Evrópska efnahagssvæðinu.
