Umferðarþjónusta - Tilkynning - 9.2.2019

Lokanir á Austurlandi:

Vegurinn um Fjarðarheiði er lokaður.
Vegurinn um Mývatns- og Möðrudalsöræfi er lokaður.
Verið er að athuga með ástand veganna eftir nóttina og verður byrjað að moka um leið og færi gefst.

Færð á vegum 

Suðvesturland: Víðast hvar greiðfært en hálkublettir á nokkrum vegum. Hálkublettir og skafrenningur er á Mosfellsheiði en hvasst er á Kjalarnesi. 

Vesturland: Hálka, hálkublettir eða snjóþekja og víða skafrenningur. Þæfingur er á víða á Snæfellsnesi og þungfært undir Hafursfelli. Lokað er yfir Fróðárheiði vegna snjóa. Mjög hvasst er á sunnanverðu Snæfellsnesi og má búast við lélegu skyggni.

Vestfirðir: Hálka eða þæfingur á flestum vegum og éljagangur eða skafrenningur víða. Þungfært er yfir Steingrímsfjarðarheiði, á Þröskuldum, yfir Vatnsfjarðarháls og á Ströndum.  Ófært er yfir Klettsháls, milli Þröskulda og Reykhólavegar og yfir Bjarnarfjarðarháls. 

Norðurland: Víðast hálka eða snjóþekja og mjög víða skafrenningur. Ófært er á Þverárfjalli, um Víkurskarð og Almenninga.

Norðausturland: Snjóþekja eða hálka víðast hvar og skafrenningur. Þæfingsfærð er á Fljótsheiði og þungfært kringum Vopnafjörð og yfir Sandvíkurheiði. Ófært er á Hólasandi, um Hófaskarð og Brekknaheiði en lokað er um Mývatns- og Möðrudalsöræfi.

Austurland: Snjóþekja, þæfingur eða jafnvel þungfært er nokkuð víða. Nú er opið um Fagradal en þæfingsfærð er þar. Ófært er mjög víða, s.s. á Þjóðvegi eitt frá Egilsstöðum upp Jökuldal, í Skriðdal, Hróarstungu og á Vatnsskarði eystra en lokað er á Fjarðarheiði.

Suðausturland: Hálkublettir og víða all hvasst.

Suðurland: Þjóðvegur 1 er nokkuð greiðfær en sumstaðar er nokkur hálka eða hálkublettir á öðrum vegum. Þungfært er á Lyngdalsheiði.