Umferðarþjónusta - Tilkynning - 12.2.2019
Snjóflóðahætta
Snjóflóðahætta er möguleg snemma í dag, þriðjudag á eftirfarandi vegum: Súðavíkurhlíð, Kirkjubólshlíð og Hvilftarströnd.
Færð á vegum
Suðvesturland: Víða eru vegir greiðfærir en eitthvað um hálkublettir. Krapasnjór er á Mosfellsheiði en flughálka á Kjósarskarði.
Vesturland: Hálka, hálkublettir eða snjóþekja á vegum og eitthvað um éljagang. Á Snæfellsnesi er flughálka er á mill Fróðárheiðar og Vatnaleiðar annars snjóþekja og snjókoma.
Vestfirðir: Hálka, hálkublettir eða snjóþekja á flestum vegum. Þæfingsfærð er á Steingrímsfjarðarheiði. Þröskuldum og Klettsháls. Snjókoma, éljagangur eða skafrenningur nokkuð víða.
Norðurland: Hálka eða snjóþekja og snjókoma eða éljagangur á flestum leiðum. Flughálka er frá Hofsós að Ketilás.
Norðausturland: Snjóþekja eða hálka og snjókoma og skafrenningur á flestum leiðum. Þæfingsfærð er á Mývatnsöræfum, Hófaskarði og Hálsum. Flughálka er á Brekknaheiði og í Vopnafirði.
Austurland: Hálka eða hálkublettir á vegum. Snjóþekja og snjókoma er á Fjarðarheiði.
Suðausturland: Hálka eða hálkublettir á vegum. Flughálka er á milli Jökulsárlóns og Kvískers.
Suðurland: Suðurlandsvegur er að mestu greiðfær en hálkublettir á öðrum leiðum.
Ábending um hálkuvarnir
Þegar kalt er í veðri og stífur vindur getur hálkuvörn bundist illa við yfirborð vegar. Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið hált áfram þrátt fyrir hálkuvarnir.
Framkvæmdir á Suðurlandsvegi
Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/
