Veður eins og við þekkjum það á sér stað í tíma og rúmi á mislöngum kvarða eins og sést í töflu 2. Gefin eru dæmi um veðurfyrirbæri af hverjum kvarða fyrir sig og það í umhverfinu sem hefur mótandi áhrif, sérstaklega hér á landi.

Tafla 2

Kvarði	Veðurfyrirbæri	Áhrifavaldar	Líftími
Stórkvarði	Brautir og far lægða og helstu veðurkerfa.	Samspil ólíkra loftmassa, meginlanda og heimshafa.	2-7 dagar
Miðkvarði	Úrkomubakkar, hafgola, hnjúkaþeyr, dægursveifla hitans.	Ísland er eyja úti í hafi. Fjalllendi landsins. Sólargangur.	klst - dagur
Staðkvarði	Éljaveður, breytilegur lofthiti á landsvæði, byljóttur vindur undir fjalli eða þoka á heiði.	Tiltekið fjall, dalur, strandsvæði borg eða sveit.	mínútur - klst
Nærkvarði	Flökt á vindstyrk/stefnu, hálkublettur myndast eða ásýnd skafrennings.	Vegur fer yfir hæð, eða brú. Stakt tré, eða bygging.	sekúndur

Veður á staðkvarða (localscale) og nærkvarða (microscale) hefur mesta þýðingu fyrir öryggi umferðar og þjónustu vega.

Veður á stað- og nærkvarða:

• tekur örum breytingum,
• mótast mjög af landslaginu umhverfis,
• er næmt fyrir orku- og rakaflæði milli lofts og yfirborðs.

5.1 Kuldapollar og landslag
5.2 Raki berst frá ám og vötnum eða frá sjó
5.3 Áhrif þéttbýlis
5.4 Hitafall með hæð