Umferðin eykst í nóvember á Hringvegi
áfram aukning þótt úr henni dragi
Umferðin í nóvember á Hringveginum jókst um rúm níu prósent miðað við sama mánuð fyrir ári síðan. Þetta er heldur meiri umferð en reiknað var með, en nú er útlit fyrir að umferðin á Hringveginum aukist um 4,5 prósent í ár. Þótt dragi úr aukningu umferðar þá er hún eigi að síður talsverð á þessu ári.Milli
mánaða áranna 2017 og 2018
Umferðin í
nýliðnum mánuði jókst um 9,1% miðað við sama mánuð á síðasta ári. Þessi aukning
er rétt umfram það sem von var á. Mest jókst umferðin um Norðurland eða um 13,2% en minnst um Suðurland eða um 6,9%. Þetta er heldur meiri aukning en átti
sér stað á sama tíma á síðasta ári.
Frá
áramótum milli áranna 2017 og 2018
Nú hefur
umferðin aukist um 4,7%, frá áramótum ef miðað er við sama tímabil á síðasta
ári. Mest hefur umferðin aukist um Austurland eða um 6,9% en minnst um Norðurland
eða um 2,6%. Þetta er rúmlega helmingi minni aukning miðað við sama tíma á síðasta
ári og leita þarf aftur til ársins 2013 til að finna minni aukningu miðað við árstíma.
Umferð
vikudaga
Það sem af
er ári er lang mest ekið á föstudögum en minnst hefur verið ekið um á
laugardögum, rétt sjónarmun meira en á þriðjudögum.
Hlutfallslega hefur umferðin aukist mest á mánudögum, eða um 6,0%, en minnst hefur aukningin orðið á sunnudögum eða 0,4%.
Horfur út
árið 2018
Hegði
umferðin sér líkt og í venjulegu árferði má búast við rúmlega 3% í desember og
þá myndi árið í heild koma út með um 4,5% aukningu.