Umferðin á Hringvegi eykst í janúar
næstumferðamesti janúar til þessa
Umferðin á Hringvegi í janúar jókst um tæp þrjú prósent en í janúar í fyrra hafi umferðin dregist töluvert mikið saman. Athyglisvert er að umferðin eykst þrátt fyrir gríðarlega fækkun ferðamanna og áhrifa sóttvarnarreglna sem ekki gætti fyrir ári síðan. Umferðin nú í janúar er sú næstmesta síðan þessar mælingar hófust.
Milli mánaða:
Umferðin,
yfir 16 lykilteljara Vegagerðarinnar á Hringvegi, jókst um 2,7% í nýliðnum
janúar miðað við sama mánuð árið 2020, en umferðin á síðasta ári dróst saman um 6,4%
miðað við árið 2019. Umferðin í nýliðnum janúar var því sú næst mesta, sem mælst
hefur í janúar, en aðeins árið 2019 hefur mælst meiri umferð í janúar á Hringvegi.
Rétt er þó að hafa í huga að samanburður milli vetrarmánaða er snúnari þar sem miserfið vetrarveður geta haft töluverð áhrif á umferðina. Einnig þarf að hafa í huga að umferð ferðamanna er sáralítil miðað við undanfarin ár.
Þegar er horft er til svæða þá eykst umferðin í tveimur svæðum af fimm eða í grennd við höfuðborgarsvæðið (6,0%) og um Vesturland (3,6%). Samdráttur var á öðrum svæðum og mestur um Austurland eða 13,5%.
Þegar nánar er rýnt í tölur sést að umferð eykst aðeins á 6 talningarstöðum af 16 og mest yfir talningasnið á Geithálsi eða um rúmlega 12%. Mestur samdráttur mælisniða varð á Hringvegi við Hvalsnes í Lóni eða 27,6%.
Umferð
eftir vikudögum:
Umferð
reyndist mest á fimmtu- og föstudögum en minnst á laugardögum.
Hlutfallslega jókst umferð mest á sunnudögum eða 12,1% en dróst hins vegar mest
saman á föstudögum eða 11,6%.
