Svipuð umferð á höfuðborgarsvæðinu i síðustu viku
Umferðin eykst hlutfallslega en færri bílar eigi að síður
Umferðin í síðustu viku á höfuðborgarsvæðinu reyndist 2,6 prósentum meiri en í sömu viku í fyrra, aukningin er hlutfallsleg og markast af því að fyrir ári var óvenju lítil umferð þá vikuna. Umferðin í síðustu viku er minni en í vikunni á undan, þ.e.a.s. fyrir tveimur vikum.
Eins og við mátti búast, og um var rætt í síðustu frétt af þessum meiði, þá jókst umferðin í viku 7 borið saman við sömu viku á síðasta ári - en aukningin nam 2,6%. Aðeins snið á Hafnarfjarðarvegi sýndi samdrátt en hin tvö sýndu aukningu. Í næstu viku (8) má hins vegar búast við samdrætti þegar horft er til síðasta árs.
Ef hins vegar vikur 6 og 7, innan nýja ársins, eru bornar saman þá dróst umferðin saman um 1,4% milli vikna.
Hlutfallslegur munur, milli ára, eftir sniðum:
Hafnarfjarðarvegur
við Kópavogslæk -3,4%
Reykjanesbraut
við Dalveg Kópavogi 6,0%
Vesturlandsvegur
ofan Ártúnsbrekku 7,0%
