Fréttir
Skipt um bilaðan vindhraðamæli við Hornbjargsvita
Landhelgisgæslan kom til bjargar
Vindhraðamælir Vegagerðarinnar við Hornbjargsvita bilaði þann 5. apríl síðastliðinn þegar ísing féll á hann. Ekki er hlaupið að því að komast út í Hornbjargsvita með stuttum fyrirvara í apríl en vitinn stendur í Látravík suðaustan við Hornbjarg. Haft var samband við Landhelgisgæsluna og varðskipið Þór og úr varð að nýr vindhraðamælir var sendur í varðskipið með þyrlu sem var á leið til þangað vegna reglulegra æfinga áhafnarinnar. Varðskipsmenn fóru síðan í Hornbjargsvita þegar fært var í land þann 9. apríl og klukkan 15 þann dag var búnaðurinn kominn í lag á ný.Vegagerðinni er ómetanlegt það góða samstarf sem hún á við Landhelgisgæsluna sem oft hefur hlaupið undir bagga þegar mikilvæg tæki stofnunarinnar bila á afskekktum stöðum.
Þess má geta að strax að lokinni æfingu með áhöfninni fór þyrla gæslunnar til leitar að týndum mönnum á fjórhjólum fyrir vestan.