Samstarf um hentugasta orkugjafa Borgarlínu
Vetni, rafhlöður og metan - mismunandi styrkleikar orkugjafa
Landsvirkjun, Strætó, Samtök sveitarfélaga á höfuðborgarsvæðinu og Vegagerðin hafa efnt til samstarfs um greiningu á hentugasta orkugjafa fyrir Borgarlínu.Borgarlínan hefur verið í þróun um árabil, en nú er komið að því að taka markviss skref til að byggja undir ákvörðun um orkugjafa Borgarlínu. Fyrir liggur að orkugjafinn á að vera vistvænn og innlendur. Verkefnið er unnið í tengslum við fyrstu framkvæmdir Borgarlínu sem eiga að hefjast árið 2021 og leiðakerfisbreytingu Strætó sem unnið er nú að í samvinnu við verkefnastofu Borgarlínu og miðað er við að komi til framkvæmda með akstri fyrstu tveggja Borgarlínuleiða árið 2023.
Borgarlínan verður hluti af leiðarkerfi Strætó bs., en fyrirtækið hefur verið leiðandi í orkuskiptum á Íslandi og hefur haft þá stefnu að kaupa ekki fleiri dísilvagna fyrir strætisvagnakerfi höfuðborgarsvæðisins.
Vetni, rafhlöður og metan - mismunandi styrkleikar orkugjafa
Markmiðið er að orkugjafi Borgarlínu verði vistvænn og innlendur. Vetni, rafhlöður og metan hafa mismunandi eiginleika og koma allir til greina fyrir vagna Borgarlínu.
Við valið á orkugjafanum er mikilvægt er að meta orkukostnað og fjárfestingakostnað, auk þess sem taka þarf tillit til margra þátta eins og staðsetningu áfyllingastöðva, rekstraröryggis, útstreymi gróðurhúsalofttegunda, skipulagsmála, staðbundinnar loftmengunar, hljóðmengunar og fleira yfir líftíma verkefnis.
Sjá meðfylgjandi upplýsingar um Borgarlínuna.
Meðfylgjandi ljósmynd af fulltrúum samstarfsaðila við undirritunina. Frá vinstri: Lilja G. Karlsdóttir, Hörður Arnarson, Haraldur Hallgrímsson, Stefanía G. Halldórsdóttir, Hrafnkell Á. Proppé, Bergþóra Þorkelsdóttir, Bryndís Friðriksdóttir, Auður Nanna Baldvinsdóttir, Páll Björgvin Guðmundsson og Helgi Jóhannesson.
