Óvænt aukning umferðar í júní á höfuðborgarsvæðinu
Umferðin jókst um 1,2 prósent
Umferðin í júní á höfuðborgarsvæðinu jókst um 1,2 prósent sem kom á óvart en þetta er fyrsti mánuður þessa árs þar sem umferðin í mánuðinum er meiri en umferðin í sama mánuði ári fyrr. Athygli vekur að það er aukin umferð á mánudögum sem stendur undir allri aukningunni. Skýringar á aukinni umferð á mánudögum eru ekki augljósar.
Nokkuð óvænt reyndist umferðin í nýliðnum júní 1,2% meiri en í sama mánuði á síðasta ári, mest jókst umferðin í mælisniði á Reykjanesbraut eða um 3,2% en 1,6% samdráttur mældist í mælisniði á Hafnarfjarðarvegi. Aðeins í júní 2018 hefur mælst meiri umferð um lykilmælisniðin þrjú.
Umferð
eftir vikudögum
Svo virðist
sem umferð á mánudögum, í nýliðnum mánuði hafi tekið stórt stökk uppávið því
hún mældist tæpum 12% meiri en á mánudögum í sama mánuði fyrir ári síðan.
Mánudagar er jafnframt eini vikudagur mánaðarins sem sýnir aukningu á milli ára
í júní þ.a.l. ber hann uppi umrædda aukningu. Athygli vekur að aukningin á
mánudögum er lang mest í öllum sniðum.
Horfur út
árið
Núna segir
reiknilíkan umferðardeildar að von sé á rúmlega 9% samdrætti í umferð á
höfuðborgarsvæðinu, fyrir árið í heild. Ekki er ósennilegt að samdrátturinn í
umferðinni verði svipaður samdrætti í hagvexti ársins þar sem gert er ráð fyrir um
8% samdrætti í ár, samkvæmt því sem fram kemur á heimasíðu Seðlabankans.