Hraði lækkaður við hraðamyndavél á Kjalarnesi

Vegna vinnu við Vesturlandsveg gegnt Móum hefur hraði verið lækkaður í 50 km/klst. Hraðamyndavél er þar sem hraði er lækkaður og mega ökumenn sem aka hraðar en leyfilegt er mega eiga von á sekt. Vinsamlega virðið vinnusvæðamerkingar.

Frétt lögreglunnar 11. nóvember:

Vegaframkvæmdir hófust í síðustu viku á Vesturlandsvegi á um kílómetra kafla gegnt Móum á Kjalarnesi. Þær munu standa yfir næstu tvær vikur. Vegmerkingar eru uppi sem vara ökumenn við framkvæmdunum auk þess sem leyfilegur ökuhraði er tekinn niður úr 90 km/klst í 50 km/klst. 

 

Þrátt fyrir merkingar hafa ökumenn því miður ekki sinnt þeim sem skyldi, ekið hraðar en hámarkshraði segir til um og skapað þeim hættu sem að framkvæmdunum starfa. 

 

Á vegarkaflanum er föst hraðamyndavél og mun hún virkjuð til að fylgjast með og mynda þá ökumenn er aka hraðar en 50 km/klst. Þeir mega því búast við sektum í kjölfarið. 

 

Lögregla vill nota tækifærið til að hvetja ökumenn til að virða hraðamerkingar á vinnusvæðum en á því hefur á stundum verið misbrestur.