Fréttir
Engar landbætur greiddar fyrir nýjan Álftanesveg
vegurinn liggur óbreyttur um land Selskarðs
Að gefnu tilefni er tekið fram að engar bætur vegna lands hafa verið eða verða greiddar vegna lagningar nýs Álftanesvegar. Sá hluti vegstæðisins sem liggur um land Selskarðs er á sama stað og núverandi Álftanesvegur. Land Selskarðs verður því ekki skert að neinu leyti.
Þar sem nýr Álftanesvegur fer um Garðahraun liggur hann í landi Garðabæjar og tengist núverandi vegi við landamörk Garðabæjar og Selskarðs.
Engar landbætur eru því greiddar vegna lagningar Álftanesvegar.