Umferðarspá 2012 – 2060

Vegagerðin hefur nú endurskoðað langtímaspá sína. Reiknað er mest með tæplega tveggja prósenta árlegum vexti í háspá, en 1,23 prósent í miðspá, sem er töluvert minna en í fyrri spá.

Nú hefur gildandi langtímaspá Vegagerðarinnar verið endurskoðuð til ársins 2060.

Helstu nýmæli frá fyrri spá eru:

• Birt er þróun (línurit) þriggja spáafbrigða, lágspá, miðstá og háspá.
  
• Könnuð var fylgni nokkurra hagrænna kennitalna við heildarakstur á landinu.
  
• Spáð er mismunandi aksturþróun á hvern skráðan bíl.
  

Þegar spáin var endurskoðuð síðast, árið 2006, var almennt búist við meiri árlegum vexti en nú er gert ráð fyrir.  En þá verður að hafa í huga að síðasta spá hafði ekki jafn langan gildistíma og munur spáafbrigða eingöngu fólgin í mismunandi mettunartölum í bílaeign.

Spár	2005-2045	2012-2060
Lágspá	1,48 %	0,54 %	árlegur vöxtur
Miðspá	1,86 %	1,23 %	árlegur vöxtur
Háspá	2,13 %	1,91 %	árlegur vöxtur

Hagstofa Íslands gerir ráð fyrir að íbúafjöldi á landinu verði á bilinu 386.500 – 493.800 manns. Í kjölfar þess spáir umferðardeild Vegagerðarinnar að árið 2060 verði:

• Fjöldi bíla á bilinu 353 – 537 þúsund.
  
• Heildarakstur á hvern skráðan bíl á bilinu 10,9 – 13,8 þúsund km.
  
• Heildarakstur á bilinu 3.856 – 7.389 milljón km.
  

Helstu tíðindi að mati skýrsluhöfundar:

• Mikil fylgni milli heilaraksturs og vergrar landsfamleiðslu (hagvöxtur).
  
• Lítil fylgni milli heildaraksturs og þróun bensínverðs.
  
• Lítil fylgni milli heildarfjölda skráðra bíla og aksturs á hvern skráðan bíl.
  

Spána má nálgast hér.