Umferð eykst á höfuðborgarsvæðinu
umferðin í ár hefur aukist um 1,2 prósent
Líkt og á Hringveginum eykst umferðin á höfuðborgarsvæðinu í marsmánuði miðað við sama mánuði í fyrra. Umferðin jókst um meira en eitt prósent.
Umferðin hefur aukist um 1,2 prósent fyrstu þrjá mánuði ársins og er það mesta aukning á þessum tímabli ársins frá því árið 2008. Þá jókst umferðin reyndar um heil fimm prósent.
Milli mars mánaða 2011 og 2012
Umferð jókst um 1,1%, um þrjú mælisnið Vegagerðarinnar á höfuðborgarsvæðinu, milli mars mánaða 2011 og 2012.
Umferðin varð þannig að um:
- Hafnarfjarðarveg sunnan Kópavogslækjar jókst umferðin um 2,3%.
- Reykjanesbraut við Dalveg í Kópavogi jókst umferðin um 0,1%.
- Vesturlandsvegur (Nesbraut) við móts við Skeljung, ofan Ártúnsbrekku, jókst umferðin um 1,8%
Frá áramótum milli áranna 2011 og 2012
Það sem af er ári hefur umferðin nú aukist um 1,2%, um mælisniðin þrjú. Er þetta jákvæðasta staða það sem af er ári síðan metárið 2008 en þá hafði umferðin aukist um 5% milli 2008 og 2007 fyrir sama tímabil.
Umferð um Hafnarfjarðarveg heldur áfram að aukast hlutfallslega mest, þessara þriggja sniða, það sem af er ári.