Fréttir
Krapaflóð í Fnjóská (Myndir)
Fnjóskadalsvegur vestri lokaðist á að minnsta kosti tveimur stöðum.
Mikið krapaflóð fór niður Fnjóská rétt fyrir hádegi 23. janúar, Fnjóskadalsvegur vestri lokaðist á að minnsta kosti tveimur stöðum, milli Böðvarsnes og Ytri Hóls einnig neðan við Skarð, þá var Nesvegur í Grýtubakkahrepp ófær eftir þetta krapaflóð.
Strax klukkan 14 .00 var búið að fá verktaka til að hreinsa vegina.
Sigurður Jónsson yfirverkstjóri hjá Vegagerðinni á Akureyri tók myndirnar.
Á myndunum frá í dag 24. janúar sést að búið er að stinga í gegnum Fnjóskadalsveg og Nesveg, en það er þá eftir að breikka og moka út. Töluverðar skemmdir urðu á vegunum og ekki gott að átta sig á skemmdunum fyrr en því verki líkur.