Opnað á morgun - myndir
Skoðað í birtingu í fyrramálið, 16. apríl, hver staðan er
Ljóst er að Hringvegurinn við Markarfljót verður ekki opnaður í dag, verkið er töluvert umfangsmeira en fyrst var reiknað með. Unnið er að því hörðum höndum að gera veginn færan öllum bílum, einkabílum sem flutningabílum. Unnið verður fram á nótt eftir því sem aðstæður leyfa.
Staðan á verkinu verður tekin út í fyrramálið en vonast er til að unnt verði að opna veginn um hádegi. Þá er alveg óljóst hver staðan verður á öskufalli á þessu svæði og því ekki víst að það dugi til að opna veginn að hann verði orðinn akfær.
Neyðarakstur er mögulegur yfir gömlu brúna yfir Markarfljótið á léttum bílum með heimild lögreglu sem vaktar svæðið og lokar brúnni.
Myndir frá svæðinu teknar 15. apríl:
Unnið að lagfæringu á veginum að vestanverðu, rétt fyrir austan nýju Markarfljótsbrúna.
Fyrir austan flóðasvæðið, skemmdir við vegamót Hringvegar og Þórsmerkurvegar:
Skemmdir, sem búið er að lagfæra til bráðbrigða, eftir flóðið í Svaðbælisá.
Við gömlu brúna á Þórsmerkurvegi, flóðið fór fyrir austan brúna og tók veginn í sundur:
Skemmdir á Þórsmerkurveginum: