Vegagerðin tekur við Kárahnjúkavegi
forræði vegarins verður hjá Vegagerðinni á þessum u.þ.b. 60 km
Landsvirkjun og Vegagerðin hafa undirritað samning sín á milli um að forræði og umsjón með Kárahnjúkavegi, og að hluta á Hraunavegi, færist yfir til Vegagerðarinnar.
Með samningnum afhendir Landsvirkjun Vegagerðinni vegina, án greiðslna eða endurgjalds, en vegirnir voru lagðir af Landsvirkjun í tengslum við rannsóknir og framkvæmdir við Kárahnjúkavirkjun.
Vegirnir sem samtals eru röskir 60 km að lengd flokkast undir landsvegi. Kárahnjúkavegur liggur frá þjóðvegi 931 að vegamótum Brúardalaleiðar vestan Jökulsár á Dal, og flyst umsjón með veginum í heild yfir til Vegagerðarinnar, að undanskildum vegarkaflanum frá austurenda Desjarárstíflu vestur fyrir áningarstað ferðamanna við Kárahnjúkastíflu.
Fréttatilkynning með frekari upplýsingum.
Skrifað undir: Hörður Arnarson og Hreinn Haraldsson.
Vegirnir sem umræðir merktir gulri breiðri línu: