Síðasta sprenging í Bolungarvíkurgöngum
Ráðherra þrýsti á hnappinn á laugardaginn
Stór áfangi kláraðist í Bolungarvíkurgöngum laugardaginn 28. nóvember þegar samgönguráðherra sprengdi síðustu sprenginguna að viðstöddu fjölmenni. Áður höfðu heimamenn haldið hátíð í Bolungarvík þar sem bæjarstjórar Ísafjarðar og Bolungarvíkur, samgönguráðherra og vegamálastjóri kipptu haftinu úr 4,53 m löngum kransakökugöngum, sem er einn þúsundasti af sjálfum göngunum ásamt vegskálum.
Í máli vegamálastjóra við það tækifæri kom fram að stærsta áfanganum í byggingu ganganna væri þá lokið enda fælist alltaf mesta óvissan í því hvernig bergi myndi reynast.
Nú hefst vinna við vegagerð í göngunum, frágang lagna, uppsetning öryggisbúnaðar og ljósa o.s.frv. Stefnt er að því að ljúka vinnu við göngin síðsumars 2010. Tafir hafa orðið á verkinu að undanförnu vegna laus bergs en menn hafa að mestu verið lausir við vatn í þessum göngum.
Dagurinn í myndum:
Kransakökugöngin, munninn Bolungarvíkurmegin:
Hluti hátíðargesta hlustar á ræður:
Við gangamunnann Bolæungarvíkurmegin:
Hátíðahöld inn í göngunum, Spugstofumaðurinn Pálmi Gestsson kynnir:
Kristján L. Möller samgönguráðherra sprengir síðustu hleðsluna:
Eftirlitsmmenn fylgjast með, einsog alltaf:
Á leið að skoða verksummerkin:
Við sprengjustaðinn:
Þeir sem staðið hafa í ströngu síðan gröftur hófst:
