Sama umferð í ár og 2007
umferðin fyrstu sex mánuðina meiri en í fyrra
Umferðin fyrstu sex mánuði ársins á Hringveginum (16 valdir talningarstaðir) er nákvæmlega sú sama og árið 2007. Umferðin í ár er þannig aðeins meiri en í fyrra. Fram til ársins í fyrra hafði orðið stöðug auking umferðar á þessum völdu talningarstöðum á Hringveginum.
Umferðin eykst allstaðar út á landi en dregst lítillega saman á Hringveginum við Höfuðborgarsvæðið. Samdráttur í atvinnuumferð á Geithálsi og við Úlfarsfell gæti verið skýring á þessu.
Í pdf-skjali má svo sjá þróunina í töflu og af línuritum.
Eftir landssvæðum er umferðaraukningin eða samdrátturinn þannig:
Milli júní mánaða 2008 og 2009:
Suðurland 7,7%
Höfuðborgarsvæðið -3,2%
Vesturland 6,1%
Norðurland 11,3%
Austurland 19,9%
Frá áramótum:
Suðurland 4,7%
Höfuðborgarsvæðið -2,4%
Vesturland 1,7%
Norðurland 2,9%
Austurland 9,6%
Af þessari töflu sést að umferðin eykst allstaðar út á landi en dregst hins vegar saman á Höfuðborgarsvæðinu.
Aukning á akstri er mest á Austurlandi eða tæp 20% milli júní mánaða og tæp 10% frá áramótum.
Sé litið til töflu er sýnir hlutfallslegan mismun meðalumferðar og heildaraksturs milli ára í sömu mánuðum eftir talningastöðum, sést að ástæða minnkunar á Höfuðborgarsvæðinu gæti verið samdráttur í atvinnuumferð enda dregst umferð á Geithálsi og við Úlfarsfell saman um 5,5% annars vegar og hins vegar um 2% milli júní mánaða 2008 og 2009.
Heildaraukning á öllum talningastöðum samtals er hins vegar 5,4%. (sjá töflu og stöplarit yfir mismun á akstri milli ára í sömu mánuðum)
Samkvæmt gröfum fyrir akstur í einstaka mánuðum og uppsöfnuðum akstri, virðast 2009 kúrfurnar algerlega ætla að elta 2007 kúrfurnar.
Af súluriti er sýnir heildarakstur milli ára, frá áramótum, sést að heildaraksturinn er 0,7% meiri en árið 2007.
Slóð til að sækja umferðartölur á netinu
