Fréttir
Óseyrarbrú opin allri umferð
Þrátt fyrir nokkrar skemmdir á brúnni er burðarvirkið í góðu lagi
Frá því að umferð var opnuð á Óseyrarbrúna í gær hefur hún verið opin allri umferð, einnig umferð þungra flutningabíla. Þrátt fyrir nokkrar skemmdir á brúnni er burðarvirkið í góðu lagi, það stóðst hið mikla álag í skjálftanum í gær.
Ölfusárbrúin við Selfoss er einnig opin allri umferð.
Unnið er að því að meta skemmdirnar á vegakerfinu eftir skjálftann og lagfæra þær.
Skemmdir urðu þó nokkrar á vegum í skjálftanum: Á Suðurlandsvegi sunnan Ingólfsfjalls, í Grafningnum og á Eyrarbakkavegi á milli Eyrarbakka og Óseyrarbrúar. þá er óökufær einbreið brú á Arnarbælisvegi. Víða eru ójöfnur á vegum og vegfarendur því beðnir um að gæta fyllstu varúðar á skjálftasvæðinu.
