Hallsvegur - Úlfarfellsvegur, ásamt gatnamótum við Vesturlandsveg - Tillaga að matsáætlun
Skipulagsstofnun hefur tekið til auglýsingar tillögu að matsáætlun vegna Hallsvegar, Úlfarsfellsvegar og gatnamóta við Vesturlandsveg, sem Framkvæmdasvið Reykjavíkurborgar og Vegagerðin standa að. Athugasemdafrestur er til 18. janúar n.k.
Matsáætlun er ætlað að vera leiðarvísir fyrir mat á umhverfisáhrifum framkvæmda. Þar kemur fram hvaða áhrif framkvæmdarinnar verða kortlögð og hvaða þættir í umhverfinu skuli metnir. Eftir að athugasemdafresti lýkur tekur Skipulagsstofnun ákvörðun um hvort framlögð tillaga sé ásættanleg eða hvort breyta þurfi efnistökum í væntanlegri skýrslu um mat á umhverfisáhrifum.
Tillaga að matsáætlun (PDF 900 KB)
Allir hafa rétt til að kynna sér tillöguna og leggja fram athugasemdir. Athugasemdafrestur er sem áður segir til 18. janúar n.k. og skulu athugasemdir berast skriflega til Skipulagsstofnunar.
Utanáskriftin er: Skipulagsstofnun, Laugavegi 166, 150 Reykjavík.
Sjá einnig frétt á vef Skipulagsstofnunar
Sjá fyrri kynningu á drögum að tillögu til matsáætlunar.
