Kærum vegna Arnarnesvegar vísað frá
Úrskurðarnefnd umhverfis- og auðlindamála birtir niðurstöður vegna kæru
Úrskurðarnefnd umhverfis- og auðlindamála kvað upp úrskurð í dag, miðvikudaginn 31. maí, vegna kæru á ákvörðun bæjarstjórnar Kópavogs frá 22. nóvember 2022 um að samþykkja umsókn Vegagerðarinnar um framkvæmdaleyfi fyrir 3. áfanga Arnarnesvegar, frá Rjúpnavegi að Breiðholtsbraut. Í úrskurðinum kemur fram að ekki sé talið að hin kærða ákvörðun um veitingu framkvæmdaleyfis fyrir 3. áfanga Arnarnesvegar sé haldin þeim form- eða efnisannmörkum að ógildingu varði og verði kröfu kærenda þar um því hafnað.
Einnig kvað nefndin upp úrskurð vegna kæru sem barst um ákvörðun bæjarstjórnar Kópavogs frá 14. júní 2022 og ákvörðun borgarráðs Reykjavíkur frá 7. júlí s.á. um að samþykkja deiliskipulag Arnarnesvegar, 3. áfanga, frá Rjúpnavegi að Breiðholtsbraut. Þess var krafist að ákvarðanirnar yrðu felldar úr gildi. Í úrskurði nefndarinnar segir að hin kærða ákvörðun um deiliskipulag sé hvorki talin haldin þeim form- né efnisannmörkum að ógildingu varði og kærunni er vísað frá.
Nánar má lesa um þetta á vef Úrskurðarnefndar umhverfis- og auðlindamála.
140/2022 Arnarnesvegur 3. áfangi - Úrskurðarnefnd umhverfis- og auðlindamála (uua.is)
79/2022 Arnarnesvegur 3. áfangi - Úrskurðarnefnd umhverfis- og auðlindamála (uua.is)
