Umferðin á höfuðborgarsvæðinu eykst
nær ekki að verða jafnmikil og hún var árið 2019
Umferðin á höfuðborgarsvæðinu í maímánuði jókst um átta prósent frá maí í fyrra, sem nær þó ekki að vinna upp hvað umferðin dróst mikið saman þann mánuð fyrir ári. Í ár hefur umferðin á svæðinu aukist um 10 prósent og útlit fyrir að umferðin í ár aukist um 8,5 prósent. Þá yrði umferðin eigi að síður 2,5 prósentum minni en hún var árið 2019.
Milli mánaða 2020 og 2021
Umferðin í maí sl., í þremur lykilmælisniðum Vegagerðarinnar
á höfuðborgarsvæðinu, reyndist 8% meiri en í sama mánuði fyrir ári síðan. Mest
jókst umferð í mælisniði á Hafnarfjarðarvegi eða um tæplega 12% en minnst á
Vesturlandsvegi, ofan Ártúnsbrekku, eða um 6%.
Hafa ber í huga að umferðin dróst saman um 9,5%, í sama mánuði í fyrra, vegna Covid-faraldursins.
Það sem af er árinu 2021 mv árið 2020
Nú hefur umferðin aukist um tæp 10% miðað við sama tímabil á
síðasta ári.
Umferð eftir vikudögum
Á virkum dögum var mest ekið á miðvikudögum en minnst á
mánudögum. Umferðin um helgar var þriðjungi minni en á virkum dögum.
Umferð jókst um 7,8% á virkum dögum en um 8,8% um helgar.
Horfum út árið 2021
Nú stefnir í að umferðin geti aukist um 8,5% á þessu árið miðað við síðasta ár. Gangi það eftir yrði umferðin samt sem áður um 2,5% minni en hún
var árið 2019.
