Umferðin eykst enn á höfuðborgarsvæðinu
stefnir í um átta prósenta aukningu í ár, sem er mikil aukning
Umferðin á höfuðborgarsvæðinu jókst um 5,5 prósent í nóvember. Útlit er fyrir að umferðin í ár á svæðinu aukist um átta prósent sem er mikil aukning á einu ári, eða sú næst mesta síðan þessar mælingar hófust árið 2005. Sama gildir um Hringveginn þar sem einnig stefnir í næst mestu aukninguna á þessum tíma og enn meiri aukningu. Sjá frétt um umferðina á Hringveginum í nóvember.
Milli
mánaða 2016 og 2017
Umferðin
yfir þrjú lykilmælisnið Vegagerðarinnar á höfuðborgarsvæðinu jókst um 5,5% í nýliðnum
nóvember borið saman við sama mánuð á síðasta ári.
Mest jókst umferðin um Reykjanesbraut við Dalveg eða um 9,0%.
Frá
áramótum milli áranna 2016 og 2017
Nú hefur
umferðin aukist um 8,2%, frá áramótum miðað við sama tímabil á síðasta ári.
Umferð
eftir vikudögum
Í nýliðnum
mánuði jókst umferðin mest á miðvikudögum eða um tæp 8%. Samdráttur varð í umferðinni á sunnudögum í nóvember 2017 miðað við sama mánuð árið 2016 eða sem nemur 2,7%.
Mest var ekið á föstudögum og minnst á sunnudögum.
Horfur
út árið 2017
Gert er ráð
fyrir að umferðin milli desember mánaða aukist um sama hlutfall og milli
nóvember mánaða eða um 5,5%. Verði niðurstaðan þannig þá eykst umferðin í heild
um 8% milli áranna 2016 og 2017, sem yrði næst mesta aukning frá upphafi
samantektar en aðeins milli áranna 2006 og 2007 hefur mælst hlutfallslega meiri
aukning en þá jókst umferðin um rétt rúm 9% á milli ára.
