Metsamdráttur umferðar á höfuðborgarsvæðinu í apríl
umferðin dróst saman um nærri 28 prósent
Umferðin á höfuðborgarsvæðinu í apríl var 28 prósentum minni en í apríl í fyrra og hefur aldrei mælst svo mikill samdráttur á svæðinu. Þetta er þó heldur minna en samdrátturinn var á Hringveginum í sama mánuði. Umferðin í nýliðinni viku reyndist 21 prósenti minni en sömu viku fyrir ári. Þó fóru heldur fleiri bílar um mælisniðin en í síðustu viku þótt væru fimmtungi færri en í sömu viku fyrir ári.
Milli
mánaða 2019 og 2020
Umferðin í
þremur lykilmælisniðum á höfuðborgarsvæðinu dróst saman um 27,7% í nýliðnum apríl borið
saman við sama mánuð á síðasta ári. Þetta er heldur minni samdráttur en
varð á Hringveginum í apríl en engu að síður gríðarlega mikill því aldrei áður
hefur umferðin á höfuðborgarsvæðinu í umræddum mælisniðum dregist svona mikið saman.
Stærsti samdráttur, sem mælst hefur, var í mars sl eða 20,7% samdráttur en þar áður hafði
mesti samdráttur mælst 9,1%, í apríl 2009. Svona tölur hafa því aldrei áður
sést í gögnum Vegagerðarinnar, frá því að þessi samantekt hófst.
Mest dróst umferðin saman um Hafnarfjarðarveg eða um 37,4% en minnst um mælisnið á Reykjanesbraut við Dalveg eða um 23,0%.
Frá
áramótum 2020
Nú hefur
umferðin dregist saman um tæp 13% frá áramótum ef borið er saman við sama
tímabil á síðasta ári. Aldrei áður hefur samdrátturinn mælst jafn mikil miðað við árstíma og er hann tæplega 4 sinnum meiri en áður hafði mælst áður.
Umferð
vikudaga
Líkt og á
Hringvegi dróst umferðin mest saman á sunnudögum eða um tæplega 42% en minnst
mældist samdrátturinn á fimmtudögum eða rúmlega 21%. Gjarnan er ekið minnst á
sunnudögum á höfuðborgarsvæðinu og það varð ekki breyting á því í apríl en hins vegar
var mest ekið á miðvikudögum.
Meðalvikuumferðin
Þegar er
horft á skemmra tímabil en mánuð, eins og Vegagerðin hefur verið að gera
undanfarið, þá er umferðin að aukast jafnt og þétt eftir páska en það er í takt
við það sem gerðist á síðasta ári, svo draga má þá ályktun að þrátt fyrir allt
þá virðist sem svo að umferðin sé aftur að ná einkennum (e. character) sínum þó að
hún sér áfram talsvert minni en á síðasta ári. Næstu vikur munu verða fróðlegar
að sjá því þá kemur betur í ljós hvernig samfélagið nær sér eftir að slakað hefur verið á samkomubanninu.
Umferðin í viku 18 reyndist rúmlega 21% minni en í sömu viku á síðasta ári. Þetta er aðeins meiri samdráttur en mældist í vikunni áður en samt er eins og merkja megi að umferðin sé að aukast.
Horfur út
árið 2020
Líkt og á
Hringvegi er óvissan mjög mikil í horfum út árið og því eingöngu hægt að gefa
viðmið um að hegði umferðin sér líkt og í venjulegu ári hér eftir má búast við 5 -
13% samdrætti allt eftir því hversu fljótt samfélagið verður að taka við sér.
