Meiri aukning í júlí í umferðinni á höfuðborgarsvæðinu en á Hringvegi
óvenjulegt er að umferð á höfuðborgarsvæðinu aukist meira en á Hringveginum á sumrin
Umferðin á höfuðborgarsvæðinu jókst um tæp tíu prósent í júlí miðað við sama mánuð í fyrra og er þetta heldur meiri aukning er varð á Hringveginum í sama mánuði. Óvenjulegt er að umferð á höfuðborgarsvæðinu aukist meira en á Hringveginum á sumrin. Umferðin í ár stefnir í að aukast um átta prósent sem er minna en á milli áranna 2006 og 2007 sem er metárið. Aukningin í júlí í umferðinni frá árinu 2007 er um 23 prósent.
Breyting milli mánaða 2016 og
2017
Áætlað er að umferðin hafi aukist um 9,5% á milli júlí mánaða
2016 og 2017. Þetta er meiri aukning en á Hringveginum, sem er fáséð á þessum
árstíma.
Mest er áætlað að umferð hafi aukist á Reykjanesbraut við Dalveg í Kópavogi eða um 14%.
Umferðin hefur aldrei mælst meiri í júlí mánuði um þrjú lykil mælisnið Vegagerðarinnar á höfuðborgarsvæðinu, en alls fóru rúmlega 159 þúsund ökutæki daglega um þessi þrjú snið.
Breyting milli áranna 2016 og
2017, frá áramótum
Umferð hefur nú aukist um tæp 9%, frá áramótum, miðað við sama
tímabil á síðasta ári. Þessi aukning er rétt tæplega þremur
prósentustigum meiri miðað við sama tíma á síðasta ári og einu prósentustigi meiri en
met vaxtarárið 2007.
Umferð eftir vikudögum
Umferðin jókst alla vikudaga í nýliðnum júlí, mest á
sunnudögum eða um rúmlega 16% en minnst á þriðjudögum eða um 6,4%.
Í júlí var mest ekið á fimmtudögum en minnst á sunnudögum.
Horfur út árið 2017
Nú stefnir í að umferðin geti aukist um 8% milli áranna 2016
og 2017 sem er, ef af verður, rúmlega einu prósentustigi minni aukning en varð
á milli áranna 2006 og 2007, sem héldi þá enn meti sínu í hlutfallslegum
vexti. En gangi þessi spá eftir mun, aftur á móti, heildarumferðin verða
um 23% meiri en hún var árið 2007, í umræddum mælisniðum í júlímánuði.