Gríðarleg aukning umferðar á Suðausturlandi í september
Umferð um Hvalsnes jókst um meira en 250 prósent
Gríðarlega mikil aukning varð í umferðinni í september miðað við árið áður, en umferðin á Hringvegi jókst um tæp 18 prósent. Mest jókst hún á Austurlandi, eða um 256 prósent í Hvalsnesi í Lóni og um 212 prósent á Mýrdalssandi. Umferðin náði eigi að síður ekki því sem hún var í september 2019.
Milli mánaða
Umferðin, yfir 16 lykilteljara Vegagerðarinnar á Hringvegi,
jókst gríðarlega mikið á milli september mánaða 2020 og 2021 eða um 17,6%. Þessi
mikla aukning dugði þó ekki til að slá nein met þar sem umferðin á síðasta ári hafði
dregist mikið saman miðað við árið þar á undan.
Mest jókst umferð um Austurland eða um 83,3% en minnst á og í grennd við höfuðborgarsvæðið eða um 5,3%.
Met var hins vegar slegið í aukningu umferðar á milli einstakra talningastaða en talningastaður við Hvalsnes í Lóni á Austurlandi sýndi tæplega 256% aukningu á milli september mánaða. Næstur kom teljari á Mýrdalssandi en hann sýndi rúmlega 212% aukningu. Minnst jókst umferð um teljara við Úlfarsfell (milli Reykjavíkur og Mosfellsbæjar) eða tæplega 3% aukningu.
Frá áramótum
Nú hefur umferðin aukist um 10,8% frá áramótum og hefur slík
aukning aðeins einu sinni áður verið meiri en það var á milli áranna 2015 og
2016.
Umferð vikudaga
Frá áramótum hefur umferð á sunnudögum hefur aukist mest eða um 14% en minnst á fimmtudögum eða rétt rúmlega 8%.
Mest er ekið á föstudögum og minnst á laugardögum, það sem af er ári.
Horfur út árið 2021
Áfram stefnir í að aukning umferðar í ár verði um 13% miðað við árið 2020, en hún
yrði samt sem áður rúmlega 2% minni en árið 2019, gangi þessi spá eftir.
Ath.
Við mat á umræddum umferðartölum þarf að hafa í huga að
umferð dróst mikið saman árið 2020.
