Dregur úr aukningu umferðar á höfuðborgarsvæðinu
aukningin er þrisvar minni en hún var fyrir ári
Umferðin á höfuðborgarsvæðinu jókst um 4,3 prósent í apríl síðast liðnum. Í ár nemur aukning umferðar á svæðinu 3,4 prósentum sem er mun minni aukning en á síðasta ári. Reikna má með að í ár aukist umferðin á höfuðborgarsvæðinu um 3-4 prósent.Milli
mánaða 2017 og 2018
Áætlað er
að umferð hafi aukist um 4,3% milli apríl mánaða 2017 og 2018. Nokkrar
sveiflur koma fram á milli teljara en mælisnið ofan Ártúnsbrekku sýnir 9,2% samdrátt meðan mælisnið á Reykjanesbraut við Dalveg
sýnir 15,2% aukningu. Ekki er hægt að útiloka bilun í búnaði en umferð
ofan Ártúnsbrekku mældist óvenju mikil á síðasta ári í apríl.
Ekki hefur mælst meiri umferð í aprílmánuði frá upphafi þessarar samantektar og nú hefur umferð í apríl aukist um 2,5%, að jafnaði frá árinu 2005.
Frá
áramótum milli 2017 og 2018
Nú er
áætlað að umferð hafi aukist um 3,4% frá áramótum miðað við samsvarandi tímabil á
síðasta ári. Þetta er tæplega þrisvar sinnum minni aukning en á sama tíma
á síðasta ári.
Umferð
eftir vikudögum
Umferð
jókst í öllum vikudögum, í apríl, ef frá eru taldir sunnudagar en þar mældist
5% samdráttur. Mest jókst umferð á föstudögum eða um 15%, sem jafnframt
voru umferðarmestir en sunnudagar umferðarminnstir.
Horfur út
árið 2018
Reiknað er
með því að umferðaraukning á höfuðborgarsvæðinu verði mun hóflegri en undanfarin þrjú
ár eða um 3 – 4 %.