Fréttir
Blæðingar í slitlagi – förum varlega
Stór ferðahelgi fram undan
Einmuna veðurblíða hefur verið síðustu daga og veðurspáin góð áfram. Því stefnir í stóra ferðahelgi.
Tími framkvæmda á vegakerfinu stendur sem hæst og víða er nýlögð klæðing. Vegna mikilla hita síðustu daga hefur orðið vart við blæðingar í slitlagi en af því getur skapast hætta. Til að bregðast við hafa verið settar upp viðvaranir víða um land. Starfsfólk Vegagerðarinnar í öllum landshlutum fylgist vel með aðstæðum og grípur til aðgerða ef þess gerist þörf.
Vegfarendur eru hvattir til að hafa varann á og virða merkingar og hraðatakmarkanir.
