Aukin umferð á Reykjanesbraut og á Snæfellsnesi
en umferðin dregst saman á Vestfjörðum og Austfjörðum
Umferðin utan Hringvegar og höfuðborgarsvæðisins hagar sér aðeins öðruvísi. Meðan mikil aukning hefur orðið á umferðinni á Reykjanesbrautinni og á Snæfellsnesi dregst hún saman fyrstu þrjá mánuði ársins á Austfjörðum og í mars á Vestfjörðum. Hér gæti umferð um páska haft eitthvað að segja. Páskar eru í aprílmánuði í ár en voru í mars í fyrra.
Umferðin innan Austurlands og á Vestfjörðum er viðkvæmari fyrir sveiflum í páskaumferð en önnur svæði er Vegagerðin flytur fréttir frá, ef marka má eftirfarandi:
Milli mars mánuða 2016 og 2017
- Umferðin á Snæfellsnes jókst um
28%
- Umferðin á Vestfjörðum dróst saman um 14%
- Umferðin innan Austfjarða dróst saman um 2%
Mismunur frá áramótum milli áranna 2016 og 2017
- Snæfellsnes 30%
- Vestfirðir
4%
- Austfirðir 3%
Þetta er heldur minni vöxtur miðað við sama tíma á síðasta ári, sjá töfluna:
Reykjanesbraut - Strandarheiði
Umferðin á Reykjanesbraut um Strandarheiði jókst um 18% milli marsmánuða 2016 og 2017. Þessi mikla aukning nú kemur í kjölfarið á 20% aukningu sem varð á milli sömu mánuða fyrir árin 2015 og 2016.
Það sem af er ári hefur umferðin um Reykjanesbraut aukist um 20% miðað við sama tímabil fyrir árið á undan. Á sama tíma á síðasta ári hafði umferðin aukist aðeins minna eða um 18% miðað við árið 2015.
Umferðin á Strandarheiði er að jafnaði þyngst á mánudögum en minnst á föstudögum, það sem af er ári.
Nú eru horfur á að ársdagsumferðin (ÁDU) á Strandarheiði geti orðið tæplega 17 þúsund ökutæki á sólarhring og sumardagsumferðin (SDU) rúmlega 19 þúsund ökutæki á sólarhring.
http://www.vegagerdin.is/upplysingar-og-utgafa/umferdin/tolfrumferdar/
Talnaefni
