Alda yfir Fossvog
Úrslit úr hönnunarsamkeppni um brú yfir Fossvog
Úrslit í hönnunarsamkeppni um brú yfir Fossvog voru tilkynnt í morgun.Vinningstillagan ber heitið Alda. Tillagan fékk góða einkunn í öllum flokkum. Samtals hlaut hún 110,4 stig af 130 mögulegum. Að baki vinningstillögunni er teymi frá verkfræðistofunni EFLU og BEAM Architects.
Úr umsögn dómnefndar:
„Mannvirkið er látlaust en jafnframt kröftugt. Brúin virkar einföld við fyrstu sýn en vex við nánari skoðun. Brúin fellur áreynslulaust að umhverfi sínu og mjúk bylgjulögun brúarinnar er áhugaverð skírskotun í öldur hafsins. Léttleiki brúarinnar keppir ekki við náttúrulegt umhverfi heldur skapar fallega sýn á sjóndeildarhringinn fyrir vegfarendur beggja vegna vogsins. Umferð fyrir alla samgöngumáta er greið og tengingar við brúarenda vel útfærðar. Aðgreining milli ólíkra samgöngumáta er vel leyst, stuðlar að öryggi allra vegfarenda og aðgengi fyrir alla. Tillagan sýnir góða heildræna nálgun gagnvart öllum þáttun tæknilegrar hönnunar. Framsetning tillögunnar er mjög skýr og öllum þáttum vel lýst í máli og myndum. Efnisval brúarinnar er vel rökstutt út frá endingu og viðhaldi.“
Hönnunarsamkeppnin var opin og í tveimur þrepum. Á fyrra þrepi bárust 15 tillögur sem nálguðust viðfangsefni keppninnar á mjög fjölbreyttan hátt. Þrjár tillögur hlutu flest stig í fyrra þrepi. Þær áttu það sammerkt að vera með sterkt heildaryfirbragð og heildræna nálgun á veigamestu þætti verkefnisins. Var það mat dómnefndar að brýr samkvæmt tillögunum þremur hefðu alla burði til að sinna hlutverki sínu sem skilvirkt samgöngumannvirki og sem fallegt kennileiti á höfuðborgarsvæðinu.
Bygging brúar yfir Fossvog er samstarfsverkefni Vegagerðarinnar, sveitarfélaganna Kópavogsbæjar og Reykjavíkurborgar, og Betri samgangna ohf. Brú yfir Fossvog er hluti af 1. áfanga Borgarlínunnar samkvæmt Samgöngusáttmálanum.
Vegagerðin bauð keppnina úr á Evrópska efnahagssvæðinu fyrir hönd samstarfsaðilanna.
Sýning á tillögunum þremur má skoða í anddyri Háskólans í Reykjavík fram yfir helgi. Nánari upplýsingar, myndir og myndbönd um tillögurnar verða birt á vefsíðunni www.borgarlinan.is
1. sæti: Tillaga 0426052 Alda
Bjóðandi EFLA hf.
Verkfræðingar
Magnús Arason, EFLA
Kristján Uni Óskarsson, EFLA
Berglind Hallgrímsdóttir, EFLA
Nína Gall Jörgensen, EFLA
Guðrún María Guðjónsdóttir, EFLA
Andri Gunnarsson, EFLA
Baldvin Einarsson, EFLA
Arkitektar
James Marks, BEAM Architects
Keith Brownlie, BEAM Architects
Landslagsarkitektar
Ómar Ingþórsson, EFLA
Svana Rún Hermannsdóttir, EFLA
Lýsingarhönnuðir
Kevan Shaw, KSLDSara Tobalina del Val KSLD
Jarþrúður Þórarinsdóttir, EFLA
Miðlunarfræðingur
Þröstur Thor Bragason, EFLA
2. sæti: Tillaga 2023116 Hvalbak
Bjóðandi KI Rådgivende Ingeniører (áður Krabbenhøft & Ingolfsson ApS)
Tillagan var unnin af KI Rådgivende Ingeniører og Gottlieb Paludan Architects í samstarfi við ES-Consult og Gísla Sæmundsson arkitekt hjá Arkteikn.
KI Rådgivende Ingeniører (DK)
Einar Þór Ingólfsson, verkfræðingur PhD
Nuno Martins, verkfræðingur
Benedikt Bjarnasson, verkfræðingur
Gottlieb Paludan, arkitekt (DK)
Christian Ernst, arkitekt MAA
Matteo Compri, arkitekt M.A.
Vadstrup Schmidt, arkitekt B.A.
Victor Alexander Pedersen, arkitekt B.A.
Rani Kamel, arkitekt B.A.
Jonas Lambert Johansen, landslagsarkitekt MAA
Thomas bonde Hansen, arkitekt MAA
ES-Consult (DK)
Carsten Munk Plum, verkfræðingur
Arkteikn
Gísli Sæmundsson, arkitekt FAÍ
3. sæti: Tillaga 2567739 – Sjónarrönd
Bjóðandi
Basalt arkitektar ehf.
Basalt arkitektar:
Hrólfur Karl Cela
Marcos
Zotes
Sigríður
Sigþórsdóttir
Dagbjört
Jónsdóttir
Javier
Bootello
Cowi:
Ian Firth
Andrew
Mountjoy
Chris
Walker
Dagný Land Design:
Dagný Bjarnadóttir
Elisa
Sarasso
Mannvit:
Jón Guðni Guðmundsson
Tryggvi
Jónsson
Valdimar
Örn Helgason
Speirs + Major Light Architecture:
Keith Bradshaw
Philip
Rose
Wilkinson Eyre:
Jim Eyre
Aleca Haeger
Emma
Mooney
James
Barrington
Katharine
Hubbard
Polys
Christofi
Sabah
Ashiq
Zhuo-Ming
Shia