Umferðin jókst lítið eitt á milli tveggja síðustu helga eða um 0,8 prósent. Líklegt verður að telja að aukningin hafi komið til vegna menningarnætur í Reykjavík, samanber síðustu umferðarfrétt Vegagerðarinnar.

Umferðin eykst einnig á milli ára um sömu helgi eða um 4,3 prósent.

Nýjar veghönnunarreglur voru kynntar með útgáfu 01.04.2009. Nú hefur sú útgáfa verið yfirfarin og gerðar ýmsar minniháttar lagfæringar.

Ein grundavallarbreyting er þó gerð en í kaflnum 1.2 Grunnatriði, vegtegundir er tekin upp sú nýjung að taka í auknum mæli tillit til umferðar að sumri (SDU) í stað meðaltalsumferðar allt árið (ÁDU) við ákvörðun á hönnunarumferð.

Skrifað var í dag 20. ágúst undir samning við Ingileif Jónsson ehf. um framkvæmdir við áfanga við breikkun Suðurlandsvegar, Hringvegur (1), Fossvellir - Draugahlíðar.

Áfanginn sem um ræðir er frá Lögbergsbrekku að Litlu kaffistofunni. Undirbúningur þess að hefja framkvæmdir er þegar farinn í gang og má búast við að þess sjái stað á verkstað eftir 2-3 vikur.

Hratt dregur nú úr helgarumferðinni þegar sumri fer að halla sem er sama þróun og undanfarin ár. Umferðin um nýliðna helgi var sjö prósentum minni en um síðustu helgi.

En einnig var umferðin þessa helgi enn minni en umferðin um sömu helgi árið 2009 eða um 11 prósentum minni.

Í leiðbeiningunum er að finna reglur um hvaða gögnum skal safnað til grundvallar fyrir ákvörðun að styrkingu, breikkun og styttingu Hringvegarins (og annarra vega).

Kærunefnd útboðsmála hafnaði 9. ágúst kröfu Háfells ehf. um að stöðva samningsgerð vegna Suðurlandsvegar, kaflans milli Litlu kaffistofunnar og Lögbergsbrekku: Hringvegur (1), tvöföldun Fossvellir - Draugahlíðar.

Umferðin um helgina var töluvert minni en um nýliðna Verslunarmannahelgi eða tæplega átta prósentum minni. Þetta er í samræmi við þróunina á helgarumferðinni síðastliðin sumur.

Umferðin nú var eigi að síður ríflega sex prósentum meiri en sömu helgi í fyrrasumar og er þetta önnur helgin í röð sem er umferðarmeiri en helgi sumarið 2009, en sumarumferðin hefur aldrei verið meiri en það ár og ekki útlit fyrir að það met verði slegið í ár.

Umferðin um Kjalveg undanfarin ár í júní- og júlímánuðum hefur verið svipuð ár eftir ár ef litið er framhjá árinu 2009. Umferðin jókst jafnt og þétt frá árinu 2000 til 2004 er hún náði hámarki á þessum fjallvegi.

Umferðin nú er sú sama og 2005 og minni en hún var árið 2003.

Annan mánuðinn í röð dregst umferðin saman allsstaðar á landinu. Umferðin í júlí í ár er nærri sex prósentum minni en í sama mánuði í fyrra og frá áramótum hefur umferðin á 16 völdum talningarstöðum á Hringveginum dregist saman um nærri fimm prósent.

Umferðin í júlí reyndist minni en umferðin í sama mánuði árin 2007 og 2009 en lítillega meiri en 2008. Frá áramótum, fyrstu sjö mánuði ársins, er umferðin svipuð og hún var á milli áranna 2006 og 2007. 

Umferðin um verslunarmannahelgina var nærri sjö prósentum meiri en síðustu helgina í júlí í ár og rúmum þremur prósentum meiri en um verslunarmannahelgina í fyrra.

Umferðin um verslunarmannahelgina reyndist þó ekki sú mesta í sumar því meiri umferð var á sex talningarstöðum í nágrenni höfuðborgarinnar helgina 16. - 18. júlí.