Vegagerðin vinnur nú að því að undirbúa útboð vegna breikkunar Suðurlandsvegar og Vesturlandsvegar. Ríkisstjórnin hefur heimilað útboðin og framkvæmdir munu dreifast á tvö ár þ.e.a.s. árin 2010 og 2011.

Reiknað er með að útboðin verði tilbúin á allra næstu vikum og að framkvæmdir gætu hafist í báðum verkum í júní 2010.

Lesa meira

Héraðsdómur Reykjavíkur hefur sýknað Vegagerðina af um 234 milljóna króna kröfu Ístak um bætur vegna að þeirra áliti brostins verksamnings um vegagerð á Tjörnesi.

Ístak taldi að útboðslýsing Vegagerðarinnar hafi verið óskýr, villandi og í hana hafi vantað upplýsingar, ágreiningur var ástand bergs í skeringu. Héraðsdómur hafnaði kröfunni, sýknaði Vegagerðina og dæmdi Ístak til að greiða málskostnað upp á 3 milljónir króna.

Lesa meira

Vegagerðin hefur gefið út nýjar leiðbeiningar um veglýsingu utan þéttbýlis.

Samræmd stefna um veglýsingu er til þess fallin að auka einsleitni og að þegar lýst er sé það gert á fullnægjandi hátt bæði hvað varðar lýsingargæði og umferðaröryggi.

Lesa meira

Nýjar reglur í vetrarþjónustu Vegagerðarinnar tóku gildi nú um áramótin. Breytingarnar má kynna sér með því að smella á hnapp á forsíðunni: Vetrarþjónustan 2010.

Þær helstu frá fyrri reglum er að nú er þjónustan á sumum fáfarnari vegum degi skemmri á viku en áður og styttist þjónustan mögulega einnig hina dagana. Einnig má kynna sér þessar breytingar sem og færð og ástand vega með því að hringja í þjónustusímann 1777.

Lesa meira

Niðurskurður er á öllum þáttum í starfsemi Vegagerðarinnar svo sem kunnugt er. Einnig þegar kemur að styrkjum til almenningssamgangna svo sem styrktra ferða í ferjurekstri.

Rétt er, sem kemur fram í Morgunblaðinu í dag 13. janúar, að til skoðunar er innan Vegagerðarinnar að hliðra til þegar kemur að fækkun ferða með Grímseyjarferjunni Sæfara. Hinsvegar er það ekki rétt sem heimamenn halda fram í frétt um málið að niðurskurðinn sé 33% því í reynd er hann tæplega 14 prósent og svipaður og annarsstaðar.

Lesa meira

Vegagerðin veitir árlega styrki til rannsóknaverkefna en samkvæmt vegalögum er það 1,5% af mörkuðum tekjum stofnunarinnar.

Nú er auglýst eftir umsóknum um styrki og/eða fjármögnun einstakra verkefna fyrir árið 2010. Umsóknir þurfa að berast á tilskildum eyðublöðum í seinasta lagi að kvöldi miðvikdagsins 3. febrúar 2010. Eyðublöðin má nálgast hér.

Lesa meira

Umferðin á 16 völdum talningarstöðum á Hringvegi var 2,2 prósentum meiri á árinu 2009 en árinu 2008. Umferðin var hinsvegar minni en hún var metárið 2007 þótt ekki muni miklu.

Umferðin í nýliðnum desember var um 5 prósentum meiri en í sama mánuði árið 2008. Árið einkennist þó af mikilli umferð yfir sumarmánuðina og var umferðin þá töluvert meiri en metárið 2007.

Lesa meira

Vegagerðina er nú að finna á samskiptavefjunum Facebook og Twitter. Fyrir áhugasama er hægt að skrá sig á þessar síður með því að smella á hlekki hér á heimasíðu Vegagerðarinnar.

Fyrst um sinn verða þessir miðlar fyrst og fremst nýttir til að koma á framfæri þeim fréttum sem birtast einmitt hér á þessum stað.

Lesa meira