Almenn verkefni 2019
Almenn verkefni 2019
Heiti verkefnis : | Hefur fjölgun kærumála vegna framkvæmdaleyfa haft áhrif á mat á umhverfisáhrifum? | |
Verkefnastjóri : | ||
Stutt lýsing á verkefninu: | ||
Fjölgun kærumála á framkvæmdaleyfi sveitastjórna um matsskyldar framkvæmdir hafa vakið upp spurningar um hvaða áhrif þróunin hafi haft á ferli mats á umhverfisáhrifum. Er þróunin að færa okkur nær markmiðum laga nr. 106/2000 um mat á umhverfisáhrifum, stuðla að bættu samráði og auka vitund um umhverfismál og nýtingu auðlinda eða þvert á móti að flækja matsferlið og draga úr skilvirkni þess? Í verkefninu verða skoðaðar og bornar saman matsskyldar framkvæmdir þar sem mat var unnið fyrir og eftir tímabilið 2012 -2014, eftir að reglugerð um framkvæmdaleyfi (772/2012) tók gildi. Skoðaðir verða helstu þættir matsins, meðal annars valkostagreining, rannsóknavinna, tímaferill og samráð. Viðtöl verða tekin við aðila sem hafa komið að matinu á einn eða annan hátt, það er framkvæmdaraðila, umsagnaraðila og leyfisveitendur, auk þess sem rýnifundir verða haldir og niðurstöður ræddar. Verkefninu er ætlað að opna á umræðu um fjölgun kærumála framkvæmdaleyfa og áhrif á matsferlið sjálft. Leitað verður sjónarmiða ólíkra aðila sem koma að matinu á einn eða annan hátt og reynt að leggja hlutlaust mat á hvort þróunin hafi verið matsferlinu til bóta eða vansa. | ||
Tilgangur og markmið: | ||
Markmið verkefnis er að kanna hvort matsvinna, matsskýrslur og umfjöllun um mat á umhverfisáhrifum framkvæmda hafi tekið breytingum síðan reglugerð um framkvæmdaleyfi (nr. 772/2012) tók gildi og hvort rekja megi breytingarnar til aukinna kærumála á útgáfu framkvæmdaleyfa fyrir matsskyldar framkvæmdir. Rannsóknaspurningin er: Hefur fjölgun kærumála á framkvæmdaleyfi haft áhrif á eftirfarandi þætti í ferli mats á á umhverfisáhrifum og þá hvernig: ► vinsun umhverfisþátta, ► valkostagreiningu, ► rannsóknir og gagnaöflun, ► tímaferil, ► samráð, umsagnir og þátttöku almennings? |