Rannsóknaráðstefna Vegagerðarinnar 2021

Árleg Rannsóknaráðstefna Vegagerðarinnar verður haldin í 20. sinn föstudaginn 29. október næstkomandi og fer fram á Hilton Reykjavík Nordica, Suðurlandsbraut.

Ráðstefnan hefur skapað sér sérstöðu í ráðstefnuhaldi hér á landi því fáar ráðstefnur bjóða upp á jafn fjölbreytileg umfjöllunarefni. Ætíð kennir margra grasa á ráðstefnunni enda tekin fyrir  15-20 rannsóknarverkefni hverju sinni. Styrkur rannsóknasjóðs Vegagerðarinnar hefur legið í því að styrkja verkefni á mjög breiðu fræðasviði þar sem ekki endilega er einblínt á hefðbundna vegagerð. Verkefnin falla þó undir fjóra almenna flokka sem eru: mannvirki, umferð, umhverfi og samfélag.

Ráðstefnan hefur alla jafna verið fjölsótt af starfsmönnum Vegagerðarinnar, starfsmönnum ráðgjafa- og verkfræðistofa, verktaka og almennra áhugamanna um samgöngur og rannsóknir.

Á ráðstefnunni í ár verður mest fjallað um rannsóknir sem fengu fjárveitingar úr rannsóknasjóði Vegagerðarinnar árið 2020 en þó er það ekki einhlítt.

Beint streymi verður frá ráðstefnunni og hægt að skrá sig fyrir því í hlekknum hér að neðan.

Almenn skráning - smelltu á hlekkinn.

 

  Dagskrá ráðstefnunnar 
9:00 - 9:15 Setning - Bergþóra Þorkelsdóttir, forstjóri Vegagerðarinnar 
9:15 - 9:45 Náttúran og pólitíkin - Ari Trausti Guðmundsson, jarðfræðingur, fyrrv. alþingismaður og rithöfundur. 
9:45 - 10:00 Malarslitlög - ekki bara drulla – Hafdís Eygló Jónsdóttir, Vegagerðin
10:00 - 10:15

Tæring málma í andrúmslofti á Íslandi, Vigdís Bjarnadóttir og Baldvin Einarsson, Efla hf. 

10:15 - 10:45

 Hlé
10:45 - 11:00 Endurskoðun jarðtæknistaðalsins Eurocode 7, Þorgeir Helgason, Verkís hf., Davíð R. Hauksson, VSÓ Ráðgjöf ehf, og Þorri Björn Gunnarsson, Mannvit hf.
11:00 - 11:15

Slitþolin hástyrkleikasteypa 50 mm á brýr – þróun og blöndun,
Helgi S. Ólafsson, Vegagerðin 

11:15 - 11:30 

Stauraundirstöður fyrir brýr, Andri Gunnarsson, Efla hf. 

11:30 - 11:45   Fyrirspurnir 
11:45 - 13:00  Hlé
13:00 - 13:15  Gagnvirkar hraðahindranir, Katrín Halldórsdóttir, Vegagerðin

13:15 - 13:30 

Áhrif örflæðis í samgöngulíkani, Albert Skarphéðinsson, Mannvit hf. 

13:30 - 13:45 

Borgarskipulag og ferðavenjur á höfuðborgarsvæðinu, Harpa Stefánsdóttir, NMBU 

13:45 - 14:00 

Mælingar á færslu óstöðugra fláa í rauntíma og langtíma – Siglufjarðarvegur,
Guðjón Örn Björnsson og Heiðar Karlsson, Vista ehf og VSÓ Ráðgjöf ehf. 

14:00 - 14:15  

Notkun gagna veggreinis í umferðaröryggisstjórnun, Þorbjörg Sævarsdóttir, Vegagerðin 

14:15 - 14:30

Farsímagögn í umferðarlíkan, Grétar Mar Hreggviðsson, VSÓ Ráðgjöf ehf.

14:30 - 14:45 

Fyrirspurnir 

14:45 - 15:15 

Hlé

15:15 - 15:30 

Endurheimt staðargróðurs á framkvæmdasvæðum, Steinunn Garðarsdóttir, LBHÍ

15:30 - 15:45

Grænar raforkulausnir fyrir vita byggðar á efnarafölum, Atli Már Ágústsson, Efla hf

15:45 - 16:00 Sjálbærnimat íslenskra vegaframkvæmda – tilviksrannsókn á nýjum Suðurlandsveg,
Sandra Rán Ásgrímsdóttir, Mannvit hf.
16:00 - 16:15

Kortlagning á neðansjávarskriðum í Seyðisfirði og Norðfirði, Ögmundur Erlendsson og Anett Blischke, ÍSOR 

16:15 - 16:30 Fyrirspurnir 
16:30 Ráðstefnuslit - léttar veitingar 
  Ráðstefnustjóri G. Pétur Matthíasson 




  Veggspjöld - listi yfir þau kemur þegar fram líða stundir