Umferðarþjónusta - Tilkynning - 9.11.2018
Færð og aðstæður
Landið: Vegir eru víðast hvar greiðfærir.
Vestfirðir: Hálkublettir eru á flestum fjallvegum og einnig norður í Árneshrepp.
Norðurland: Hálkublettir eru á Vatnsskarði og Sauðárkróksbraut.
Norðausturland: Hálka er í Bárðardal, hálka eða hálkublettir á Möðrudalsöræfum og hálkublettir eru á Dettifossvegi.
Austurland: Hálka er á Mjóafjarðarheiði og hálkublettir á Fjarðarheiði.
Umferðartafir við Svínafellsá í Öræfum
Vegna vinnu við endurbætur á brúnni yfir Svínafellsá í Öræfum verða smávægilegar tafir fram að hádegi í dag og eins á mánudag. Á þriðjudag, miðvikudag og fimmtudag má síðan búast við talsverðum umferðartöfum allt að 40 mínútum í senn og verður umferð stýrt með umferðarljósum i gegnum vinnusvæðið.
Umferðartafir við Vaðlaheiðargöng
Í dag standa enn yfir malbikunarframkvæmdir á Hringvegi 1 beggja vegna Vaðlaheiðarganga. Á meðan á framkvæmdunum stendur er hámarkshraði færður niður í 30 km/klst öryggisins vegna. Umferð um Hringveginn verður stjórnað með umferðarljósunum og einungis ein akbraut í notkun.
Framkvæmdir á Grindavíkurvegi
Það standa yfir framkvæmdir á Grindavíkurvegi, milli afleggjara að Seltjörn og Bláa Lónsins. Verið er að breikka veginn og þarf á hluta framkvæmdatímans að mjókka hann töluvert. Unnið er á einni akrein í einu og umferðarhraði tekinn niður. Búast má við einhverjum umferðartöfum en áætluð verklok eru í árslok 2018.
Framkvæmdir á Esjumelum
Verið er að byggja hringtorg á Esjumelum við Norðurgrafarveg og auk þess er unnið þar að undirgöngum fyrir gangandi ásamt tilheyrandi vega- og stígagerð. Umferð um Vesturlandsveg er beint um hjáleið framhjá vinnusvæðinu. Hámarkshraði um framkvæmdasvæðið er 50 km/klst.
Aukin þjónusta á Hrafnseyrarheiði
Vegna framkvæmda við Dýrafjarðargöng verður tímabundið aukin vetrarþjónusta á Hrafnseyrarheiði í tvær til þrjár vikur. Á Dynjandisheiði verður minni þjónusta. Vegfarendur eru beðnir um að athuga færðarskráningu áður en lagt er af stað.
Hálendið
Engin þjónusta er á hálendisvegum á þessum árstíma og færð þar er ekki könnuð. Vegfarendur eru beðnir að hafa það í huga áður en farið er inn á hálendið.
