Umferðarþjónusta - Tilkynning - 21.2.2018

Vatnavextir í Fáskrúðsfirði

Vatn flæðir yfir veg á þremur stöðum í sunnanverðum Fáskrúðsfirði og eru vegfarendur beðnir að sýna aðgát og fara varlega.

Grjóthrun í Hvalnesskriðum

Töluvert grjóthrun hefur verið í Hvalnesskriðum og eru vegfarendur beðnir að fara varlega.

Færð og aðstæður

Á Suður- og Suðvesturlandi er að mestu greiðfært en hálkublettir eru á nokkrum leiðum og snjóþekja á Hellisheiði og Mosfellsheiði. Flughálka er á efri hluta Grafningsvegar.

Vegir eru víða greiðfærir á Vesturlandi en hálkublettir eða hálka er á nokkrum leiðum, einkum fjallvegum.

Það er hálka eða hálkublettir á vegum á Vestfjörðum.

Á Norðurlandi er mikið greiðfært en hálkublettir eða hálka á fjallvegum og útvegum.

Það er víða hálkublettir á Austurlandi en að mestu greiðfært með suðausturströndinni.

Skemmdir á slitlagi

Í því veðurfari sem hefur gengið yfir að undanförnu hefur borið á skemmdum á slitlagi vega. Vegfarendur eru beðnir um að sýna sérstaka aðgát og haga akstri með tilliti til ástands vegar.

Ófært við Norðlingafljót

Ófært er innst á Hvítársíðuvegi (523) við brúna yfir Norðlingafljót þar sem vatn flæðir yfir veg.

Þungatakmarkanir

Ásþungi

Viðauki 1 hefur verið felldur úr gildi á öllum vegum í Árnessýslu, Rangárvallasýslu og Vestur-Skaftafellssýslu nema á Hringvegi frá Reykjavík að Selfossi.