Umferðarþjónusta - Tilkynning - 21.1.2019
Breytt veðurútlit suðvestan- og sunnanlands
21. jan. kl.11:30
Sjá má glögglega á ratsjá og tunglmyndum að lægðin með snjó og vindi stefnir til austurs skammt fyrir sunnan land í stað þess að koma inn á Faxaflóa eins og áður var reiknað með. Hittir mögulega á Eyjafjöll og Mýrdal seinnipartinn. Spá um hríð og skafrenning suðvestan- og og sunnanlands er því afturkölluð.
Færð og aðstæður
Suðvesturland: Hálkublettir eru á stofnbrautum á Höfuðborgarsvæðinu en annars er hálka eða snjóþekja nánast á öllum vegum. Þæfingsfærð er á Kjósarskarði.
Vesturland: Víðast hvar snjóþekja eða hálka.
Vestfirðir: Snjóþekja og hálka á vegum en þæfingsfærð norður í Árneshrepp.
Norðurland: Hálka víðast hvar en snjóþekja á útvegum.
Norðausturland: Víðast hvar hált.
Austurland: Hálka að mestu.
Suðausturland: Víðast nokkur hálka eða krap.
Suðurland: Snjóþekja eða hálka víðast hvar.
Framkvæmdir á Suðurlandsvegi
Vegna vinnu við að breikka Hringveginn er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju.
Á afmörkuðum köflum við Varmá og austur fyrir gatnamót að
Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. - Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/
Fjaðrárgljúfur lokað
Vakin er athygli á að Umhverfisstofnun hefur lokað Fjaðrárgljúfri en lokunin verður endurskoðuð ekki síðar en 23. janúar. Þetta er gert bæði af öryggisástæðum og til að koma í veg fyrir frekari gróðurskemmdir á svæðinu. Bílastæðið er einnig lokað og ekki er hægt að leggja bílum í næsta nágrenni við svæðið.