Umferðarþjónusta - Tilkynning - 18.1.2018
Tjörublæðingar
Vegagerðin varar við tjörublæðingum á veginum milli Jökulsárlóns og Hafnar í Hornafirði.
Færð og aðstæður
Á Suður- og Suð-vesturlandi er
hálka eða hálkublettir á flestum vegum. Éljagangur og jafnvel snjókoma er í Hvalfirði og úti á Reykjanesi.
Á Vesturlandi og Vestfjörðum er víða hálka eða snjóþekja á vegum. Þæfingsfærð er á Skógarströnd og flughálka á Barðaströnd.
Á Norðurlandi er hálka eða snjóþekja á vegum. Þæfingsfærð er í Hegranesi.
Á Austurlandi er víðast hvar greiðfært en hálka eða snjóþekja á stöku stað. Með Suð-austurströndinni eru hálkublettir eða greiðfært.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru að mestu ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda í veginum.