Umferðarþjónusta - Tilkynning - 18.11.2018
Færð og aðstæður
Landið allt: Vegir eru auðir um allt land en krapi er á veginum norður í Árneshrepp.
Vestfirðir: Hófsá í grennd við Mjólkárvirkjun flæðir yfir veg og þar þarf að fara með gát en vegurinn er fær. Krapi er á veginum norður í Árneshrepp.
Vinna og tafir við Svínafellsá í Öræfum
Vinna við brúna á Svínafellsá liggur niðri fram yfir helgi en engu að síður er nauðsynlegt að lækka umferðarhraða á vinnusvæðinu í 50 km/klst. Þegar vinna hefst aftur í næstu viku má búast við talsverðum töfum, frá því um hádegi á mánudag og fram eftir vikunni, en umferð verður stýrt með ljósum.
Þungatakmarkanir á Bíldudalsvegi (63)
Ásþungi er takmarkaður við 7 tonn á Bíldudalsvegi ( 63)
frá Hvassanesflugvelli ađ Helluskarði (gatnamót Vestfjarðavegar (60) og
Bíldudalsvegar).
Framkvæmdir á Grindavíkurvegi
Framkvæmdir standa yfir á Grindavíkurvegi, milli afleggjara að Seltjörn og Bláa Lónsins. Verið er að breikka veginn og þarf á hluta framkvæmdatímans að mjókka hann töluvert. Unnið er á einni akrein í einu og umferðarhraði tekinn niður. Búast má við einhverjum umferðartöfum en áætluð verklok eru í árslok 2018.
Framkvæmdir á Esjumelum
Verið er að byggja hringtorg á Esjumelum við Norðurgrafarveg og auk þess er unnið þar að undirgöngum fyrir gangandi ásamt tilheyrandi vega- og stígagerð. Umferð um Vesturlandsveg er beint um hjáleið framhjá vinnusvæðinu. Hámarkshraði um framkvæmdasvæðið er 50 km/klst.