Umferðarþjónusta - Tilkynning - 16.1.2018
Ábendingar frá veðurfræðingi 16. jan kl: 07:00
Hríðarbakki með hvössum NV vindi fer yfir Vestfirði og
verður hvað verst nærri hádegi með skafrenningi, snjókomu og litlu
skyggni. Ekki síður á sunnanverðum Vestfjörðum og á Snæfellsnesi um
stund. Eins snjóar vestantil á Norðurlandi, en þar hægari vindur, en sums
staðar lélegt skyggni um eftirmiðdaginn, s.s. á Holtavörðuheiði. Á
Suðurnesjum og við innanverðan Faxaflóa verður hvasst um tíma síðdegis með
snjókomu eða éljum og skafrenningi . Á Hellisheiði verða 15-20 m/s
á milli kl.15 og 18 og mjög blint um tíma.
Lokanir
Mosfellsheiði er lokuð. Þar er blint og umferðaröngþveiti.
Flateyrarvegur er lokaður vegna snjóflóðs.
Vegurinn um Súðavíkurhlíð er lokaður vegna snjóflóðahættu.
Færð og aðstæður
Það er hálka eða hálkublettir og skafrenningur á velflestum vegum á Suður- Suðvesturlandi.
Vesturland: Hálka, snjóþekja og skafrenningur mjög víða. Þæfingur er á Svínadal.
Vestfirðir: Víða þungfært eða ófært, strekkingsvindur, ofanhríð og blint.
Norðurland: Hríðarveður og hálka og snjóþekja á flestum vegum.
Austurland: Greiðfært á láglendi en hálka eða hálkublettir á fjallvegum. Breiðdalsheiði og Öxi eru opnar.
Suðausturland: Greiðfært suður í Öræfi en sums staðar nokkur hálka þaðan.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru að mestu ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda í veginum.