Umferðarþjónusta - Tilkynning - 13.2.2018
Ábendingar frá veðurfræðingi 13. feb. kl. 15:10
Í fyrramálið er spáð A og NA ofsaveðri á Suðurlandi frá Hvolsvelli austur í Öræfi. 20-30 m/s og hviður allt að 40-50 m/s ma. undir Eyjafjöllum. Blotnar við þessar aðstæður og þá með flughálku. Hvasst einnig og skafrenningur í fyrramálið frá kl. 6 á Hellisheiði, uppsveitum. Suðurlands og á Kjalarnesi.
Færð og aðstæður
Á Suðvestur- og Suðurlandi er hálka eða snjóþekja á flestum leiðum og víða snjókoma eða éljagangur. Þæfingsfærð er á nokkrum útvegum en þungfært á Kjósarskarðsvegi og í Landeyjum.
Snjóþekja eða hálka er á vegum á Vesturlandi og éljagangur á stöku stað.
Það er snjóþekja eða hálka á flestum leiðum á Vestfjörðum. Þæfingsfærð er á Mikladal, Hálfdán og á Steingrímsfjarðarheiði og þungfært innan Barðastrandar. Ófært er á Klettshálsi.
Hálka eða snjóþekja er á vegum á Norðurlandi, víða skafrenningur.
Á Austurlandi er snjóþekja eða hálka á vegum og víða skafrenningur. Hálka eða snjóþekja er með suðausturströndinni en flughálka á Mýrdalssandi.
Súðavíkurhlíð
Snjóflóðahætta er möguleg í dag, þriðjudaginn 13. febrúar.
Þingskálavegur
Þingskálavegur (vegur 268) er ófær vegna vatnaskemmda ofan við bæinn Hóla.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi. Í dag þriðjudaginn 13. feb. hafa nokkur hreindýr verið við veginn austast á Háreksstaðaleið.