Umferðarþjónusta - Tilkynning - 10.8.2018
Fræsing og malbikun á Suðurlandsvegi (1)
Í dag á að fræsa báðar akreinar til vesturs á
Suðurlandsvegi, um 2,1 km á milli vegamóta við Þrengslaveg og Litlu Kaffistofunnar. Akreinunum verður lokað á meðan og umferð færð yfir
á öfugan vegarhelming. - Áætlað
er að vinnan standi til klukkan 19:00.
Eins á að malbika báðar akreinar á um tveggja km kafla á Hellisheiði til vesturs, vestan við Hellisheiðarvirkjun. Loka þarf akreinunum á meðan og því verður umferð beint úr hringtorginu við Hveragerði til suðurs og síðan um Þrengslin. - Áætlað er að þessi vinna standi yfir til miðnættis.
Lokun á Ölfusárbrú við Selfoss
Á sunnudagskvöldið hefjast framkvæmdir við brúna yfir Ölfusá við Selfoss. Brúin verður opin yfir daginn á mánudag en frá mánudagskvöldi verður hún lokuð í allt að viku. Gangandi vegfarendur komast þó um brúna. Sjá nánar hérÞingvallavegur lokaður
Þingvallavegur (36) verður lokaður allri umferð milli þjónustumiðstöðvarinnar og eystri gatnamótanna við Vallaveg (361) fram í október. Hjáleið er um Vallaveg (361) Sjá nánar hér
Hjólreiðakeppni á Héraði
Hjólreiðakeppnin Tour de Ormurinn verður haldin á Héraði á Laugardaginn. Hjólaður verður Fljótsdalshringurinn upp Fell og síðan í gegnum Hallormsstað. Ræst er á Egilsstöðum kl. 9 og gert er ráð fyrir því að flestir keppendur verði búnir að hjóla um kl. 14. Við biðjum ökumenn um að taka tillit til keppenda.