Umferðarþjónusta - Tilkynning

Ábendingar frá veðurfræðingi

Vaxandi vindur í kvöld á landinu, en jafnframt fer hlýnandi. Á láglendi hlánar og síðar í kvöld og nótt einnig á flestum fjallvegum. Um er leið hætt við að flughált verði, einkum á fáfarnari leiðum. Skafrenningur og fremur blint verður á Öxnadalsheiði fram á kvöld og eins um kvöldmatarleitið á Holtavörðuheiði.

Hvalfjarðargöng

Búast má við minniháttar töfum í Hvalfjarðargöngum í nótt aðfaranótt 27.01. 2015 frá kl.00:30 og fram undir morgun vegna vinnu við vegbúnað.
 

Færð og aðstæður

Greiðfært er á Hellisheiði og í Þrengslum með þoku en hálkublettir á Sandskeiði og Mosfellsheiði. Hálka er á Lyngdalsheiði. Hálka og hálkublettir eru í uppsveitum á Suðurlandi.

Hálka og hálkublettir eru á Vesturlandi. Flughálka og óveður er á Holtavörðuheiði  og Flughálka á Fróðárheiði. Snjóþekja með skafrenningi er á Bröttubrekku og Svínadal.

Á Vestfjörðum er hálka og snjóþekja. Snjóþekja og skafrenningur er á Steingrímsfjarðarheiði og Þröskuldum. Þæfingsfærð er á Klettshálsi.

Á Norðurlandi er víða hálka eða snjóþekja á flestum leiðum og éljagangur og sumstaðar skafrenningur. Þæfingsfærð með skafrenningi er á Þverárfjalli.

Hálka eða hálkublettir eru á öðrum leiðum á Norðausturlandi og sumstaðar skafrenningur.

Á Austurlandi er hálka. Á Suðausturlandi er eitthvað um hálku og hálkubletti.