Umferðarþjónusta - Tilkynning
Færð og aðstæður
Vakin er athygli á að sunnanverður Kjalvegur (vegur 35) er í mjög slæmu ástandi og varla ökufær.
Víða er unnið að viðhaldi á vegum, ekki síst endurnýjun á slitlagi. Vegfarendur eru beðnir að sýna varúð og tillitsemi í slíkum aðstæðum og virða merkingar.
Siglufjarðarvegur
Jarðsig hefur verið viðvarandi á Siglufjarðarvegi að undanförnu og skvompur eða brot geta myndast skyndilega. Því eru vegfarendur beðnir að sýna sérstaka aðgát.
Framkvæmdir
Unnið verður við fræsingu og malbikun á Hafnarfjarðarvegi miðvikudaginn 23. júlí frá kl: 05:00 til 16:00. Gert er ráð fyrir að hægri akrein verði lokuð við gatnamót Lækjarfit/Lyngás og Hafnarfjarðarvegar og að gatnamótum við Vífilstaðarveg í átt til Reykjavíkur, þegar líður á daginn verður vinstri akrein lokuð en umferð leyfð á hægri akrein. Hjáleiðar verða merktar og eru vegfarendur beðnir um að virða merkingar á vinnusvæðinu og sýna aðgát.
Þá verður líka tekin kafli við Vífilstaðarveg við gatnamót Reykjanesbrautar á þessum tíma.
Unnið er við malbikun í dag á suðurlandsvegi til austurs (frárein og aðrein) upp í Árbæ frá kl: 15:30 til 21:00. Gert er ráð fyrir að slaufum verði lokað á meða framkvæmdum stendur. Hjáleiðar verða merktar og eru vegfarendur beðnir um að virða merkingar á vinnusvæðinu og sýna aðgát.
Verið er að setja upp gönguljós á gatnamótum Fjarðarhrauns og Hjallahrauns í Hafnarfirði og eru vegfarendur beðnir að virða merkingar og sýna aðgát.
Múlakvísl
Þar sem unnið er við nýja brú yfir Múlakvísl austan við Vík í Mýrdal er umferð beint um hjáleiðir á vinnusvæðinu. Vegfarendur er beðnir að aka varlega um framkvæmdasvæðið og virða merkingar.
Vinna í Múlagöngum
Verið er að endurnýja rafkerfi í Múlagöngum og því má búast við umferðartöfum þar yfir daginn, milli kl. 8 og 18. Vegfarendur eru beðnir að gæta varúðar og virða hraðatakmarkanir meðan á framkvæmdum stendur.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.