Umferðarþjónusta - Tilkynning
Ábending frá veðurfræðingi
Grunn lægðarmiðja er yfir landinu vestanverðu og er hún á austurleið. Í kringum
lægðina er éljaloft og bakki með samfelldri úrkomu sunnanlands. Í kjölfar
lægðarinnar kemur hæðarhryggur með þurru, en köldu lofti. Vaxandi lægð á
Grænlandshafi á morgun og slydda og snjókoma frá skilum hennar vestanlands um og
upp úr miðjum degi.
Færð og aðstæður
Hálkublettir eru á fáeinum vegum í uppsveitum á Suðurlandi. Hálkublettir eru á Vesturlandsvegi við Korpu.
Á Vesturlandi og Vestfjörðum er mikið orðið autt á láglendi en víða er nokkur hálka á fjallvegum. Snjóþekja eða hálkublettir eru nokkuð víða í uppsveitum Borgarfjarðar. Snjóþekja er norður í Árneshrepp.
Það er víðast orðið autt á Norðurlandi en þó eru hálkublettir á Þverárfjalli og éljagangur á Öxnadalsheiði. Hálkublettir og éljagangur er á Siglufjarðarvegi.
Hálkublettir eru á Mývatns- og Mörðudalsöræfum en vegir á Austurlandi eru annars greiðfærir.
Akstursbann á hálendinu
Meðan frost er að fara úr jörð þarf víða að banna allan akstur á hálendinu til að koma í veg fyrir skemmdir á vegum og náttúru. Þeir sem hyggja á fjallaferðir eru beðnir að kynna sér ástand á viðkomandi leiðum og virða akstursbann þar sem það er í gildi. Sjá nánar hér
Þungatakmarkanir
Vegna aurbleytu og/eða hættu á slitlagsskemmdum þarf sumsstaðar að takmarka ásþunga. Frekari upplýsingar má sjá með að því að smella hér eða í síma 1777.
Vinna í Múlagöngum
Vegna vinnu við endurnýjun á rafkerfum í Múlagöngum má búast við umferðartöfum þar yfir nóttina, frá kl. 21:00 til kl. 06:00 að morgni. Vegfarendur eru beðnir að gæta varúðar og virða hraðatakmarkanir meðan á framkvæmdum stendur.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.