Umferðarþjónusta - Tilkynning

Ábendingar frá veðurfræðingi

Miðvikudag 25. nóvember kl. 11:45

Spáð er enn einni hitasveiflunni á landinu, þar sem veður fer nú hlýnandi síðar í dag
með vaxandi S-átt. Þessu getur fylgt staðbundin flughálka, einkum á landinu
norðanverðu þar sem þjappaður snjór er fyrir á vegum. Sennilega mun snjóa á
fjallvegum á Vestfjörðum og vestantil á Norðurlandi síðdegis og í kvöld áður en þar
hlánar líkt og víðast á láglendi.

Færð og aðstæður

Vegir á Suðurlandi eru víðast greiðfærir þótt einhver hálka sé á fáeinum vegum í uppsveitum.

Það er hvassviðri og hálka á Holtavörðuheiði. Hálka er einnig á Fróðárheiði, Laxárdalsheiði og Svínadal. Annars er víða autt á láglendi á Vesturlandi eða aðeins í hálkublettum.

Það hefur éljað á Vestfjörðum og þar er snjóþekja eða hálka víðast hvar.

Hálka er á flestum vegum á Norðurlandi og sumstaðar éljagangur.

Nokkur hálka er einnig á velflestum vegum á Austurlandi en þó greiðfært með ströndinni suður úr.

Umferðartafir á Miklubraut.

Vegna vinnu við uppsetningu á vegriði á Miklubraut, á kaflanum frá mislægum gatnamótum Reykjanesbrautar að Grensársvegi, verða smávegis umferðartafir þar næstu daga frá kl. 09:00 til kl.16:00. Hraði um vinnusvæðið er lækkaður í 50 km/klst. og eru vegfarendur beðnir að sýna aðgát og virða merkingar.

Umferðartafir í Strákagöngum

Vegna vinnu við endurbætur á rafkerfi í Strákagöngum má búast við umferðartöfum
þar á virkum dögum frá klukkan 8:00-18:00 í nóvember og til 22. desember.