Álftanesvegur (415), Hafnarfjarðarvegur - Bessastaðavegur, eftirlit
Tilboð opnuð 7. apríl 2009. Verkið felst í eftirliti með lögn nýs 4 km langs vegar frá Engidal að Bessastaðavegi. Gera skal mislæg gatnamót ásamt að- og fráreinum við Hraunsholt í Engidal, byggja tvenn göng fyrir gangandi umferð og gera hringtorg við Bessastaðaveg. Breyta skal legu strengja, vatns- og hitaveitulagna. Þá á að leggja nýja háspennu- og rafdreifistrengi, síma-, vatns-, og hitaveitulagnir. Einnig fylgir með í verkinu landmótun, sáning og yfirborðsjöfnun hrauns innan verksvæðisins.
Verkið skiptist í 3 verkáfanga með nokkrum millidagsetningum; 1. áfanga á að vera lokið þann 1. desember 2009, 2. áfanga þann 1. ágúst 2010 og 3. áfanga og þar með verkinu í heild 31. ágúst 2010.
Val bjóðanda fer fram á grundvelli hæfnivals og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfni bjóðanda og verðtilboð.
Síðari opnunarfundur var þriðjudaginn 7. apríl 2009, kl.14:15, þar sem lesnar voru upp einkunnir bjóðenda í hæfnimati og verðtilboð opnuð.
Bjóðandi (stafrófsröð) | Hæfnimat | Tilboð kr. |
Áætlaður verktakakostnaður | 19.390.000 | |
Almenna verkfræðistofan hf., Reykjavík | 64,0 | 16.469.949 |
Efla hf., Reykjavík | 64,0 | 14.400.000 |
Guðmundur Þ. Björnsson, Kópavogi | 51,0 | 22.232.000 |
Strendingur ehf., Hafnarfirði | 59,0 | 11.200.000 |
Verkfæðistofan Hnit hf., Reykjavík | 63,0 | 14.726.400 |
Verkís hf., Reykjavík | 64,0 | 17.370.000 |
VSB Verkfræðistofa ehf., Hafnarfirði | 59,0 | 13.995.000 |
VSÓ - Ráðgjöf ehf., Reykjavík | 63,0 | 16.999.000 |