Hringvegur (1) um Kjalarnes 2. áfangi, Vallá - Hvalfjörður. Eftirlit og ráðgjöf (EES)
Vegagerðin óskaði eftir tilboðum í eftirlit og ráðgjöf með breikkun Hringvegar (1) um Kjalarnes í 2+1 veg frá Vallá að Hvalfirði. Um er að ræða um 5,5 km langan vegkafla með hringtorgum við Móa og Dalsmynni, nýjum undirgöngum við Grundarhverfi og Arnarhamar, lengingu á undirgöngum við Vallá, nýtt stálplöturæsi/brú yfir Ártúnsá við Bakkaveg, lengingu á stálplöturæsi/brú yfir Ártúnsá við Hringveg auk hliðarvega, stíga og veitukerfa. Verkið er samstarfsverkefni Vegagerðarinnar, Reykjavíkurborgar, Veitna og Gagnaveitu Reykjavíkur.
Val bjóðanda fer fram á grundvelli hæfismats og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfi bjóðanda og verðtilboð.
Eftir lok tilboðsfrests, 23. apríl 2021, var bjóðendum tilkynnt um nöfn bjóðenda í útboðinu. Þann 28. apríl 2021 var verðtilboð hæfra bjóðenda opnað. Allir bjóðendur uppfylltu hæfisskilyrði útboðsins og stóðust hæfnimat.
| Bjóðandi | Tilboð kr. | Hlutfall | Frávik þús.kr. |
| Mannvit, Reykjavík | 51.000.000 | 116,7 | 8.518 |
| Áætlaður verktakakostnaður | 43.700.000 | 100,0 | 1.218 |
| Hnit, verkfræðistofa hf., Reykjavík | 42.935.000 | 98,2 | 453 |
| Efla hf., Reykjavík | 42.482.150 | 97,2 | 0 |
