Reykjanesbraut (41) sunnan Hafnarfjarðar, vegamót við Krýsuvíkurveg

2.2.2017

Vegagerðin óskar eftir tilboðum í gerð mislægra vegamóta á mótum Reykjanesbrautar og Krýsuvíkurvegar auk allra vega og stígagerðar sem nauðsynleg er til að ljúka gerð vegaframkvæmdanna endanlega. Til framkvæmdanna telst einnig breytingar á Krýsuvíkurvegi, gerð tengivegar að Suðurbraut og tengivegar að Selhellu. Einnig er innifalin gerð göngu- og hjólastígs meðfram Suðurbrautartengingu og hraðatakmarkandi aðgerðir á Suðurbraut. Þá er gerð hljóðmana við Reykjanesbraut og í Hellnahverfi í Hafnarfirði hluti verksins. Einnig eru innifaldar breytingar á lagnakerfum veitufyrirtækja sem og nýlagnir og landmótun auk annarra þátta sem nauðsynlegir eru til að ljúka verkinu.

Helstu magntölur eru:

• Rif malbiks og gangstétta                           14.000 m²
  
• Bergskeringar                                               53.000 m³
  
• Fyllingar í vegagerð                                       9.000  m³
  
• Jarðvegsfyllingar í hljóðvarnir                    60.000 m³
  
• Fláafleygar                                                       2.000 m³
  
• Lagnaskurðir                                                   3.600 m
  
• Ofanvatnsræsi                                                1.000 m
  
• Brunnar                                                                13 stk.
  
• Styrktarlag                                                      8.000 m³
  
• Burðarlag                                                        4.000 m³
  
• Malbik                                                            52.000 m²
  
• Gangstígar                                                       2.000 m²
  
• Kantsteinar                                                      2.200 m
  
• Vegrið                                                                  180 m
  
• Götulýsing, skurðgröftur og strengur         3.800 m
  
• Ljósastaurar                                                          80 stk.
  
• Mótafletir                                                         2.000 m²
  
• Járnalögn, slakbending                               91.000 kg
  
• Steypa                                                                 760 m³
  

 Verkinu skal vera að fullu lokið 1. nóvember 2017.

 Útboðsgögn verða seld á minnislykli í móttöku Vegagerðarinnar Borgartúni 7 í Reykjavík frá mánudeginum 6. febrúar 2017.  Verð útboðsgagna er kr. 2.000.

Skila skal tilboðum á sama stað fyrir kl. 14:00 þriðjudaginn 21. febrúar 2017 og verða þau opnuð þar kl. 14:15 þann dag.